سنگل ڈوز چینی ویکسین جمعرات کو پاکستان پہنچنے کا امکان ہے:وزارت صحت

?️ 23 مارچ 2021

اسلام آباد(سچ خبریں)وزارت صحت حکام کا کہنا ہے کہ سنگل ڈوزچینی ویکسین کون وی ڈیشیاکی پہلی کھیپ جمعرات کوپاکستان پہنچنے کا امکان ہے۔ حکومت پاکستان سنگل ڈوزچینی ویکسین انتہائی بوڑھےافرادکوگھروں پرلگانےپرغور کررہی ہے۔

وزارت صحت حکام کے مطابق چینی کمپنی کینسائنوبائیوکی تیارکردہ ویکسین کی پہلی کھیپ سترہزارڈوززپرمشتمل ہے۔  پاکستان پہنچنےوالی ویکسین کی 60ہزارڈوززحکومت پاکستان نےخریدی ہیں جب کہ چینی ویکسین کی دس ہزارڈوززمقامی دواسازکمپنی نےمنگوائی ہیں۔

دواسازکمپنی ویکسین اسلام آباد، لاہور اورکراچی کے3نجی اسپتالوں کوفراہم کرےگی۔ڈریپ نےگزشتہ روزسنگل ڈوزچینی ویکسین کی قیمت 4225روپےمقررکرنےکی سفارش کی تھی جب کہ وفاقی وزیر اسدعمر کا کہنا ہے کہ نجی کمپنی نےروسی ویکسین کی قیمت 8449روپےبرقراررکھنےکافیصلہ کیا۔

حکام کا کہنا ہے کہ حکومت پاکستان سنگل ڈوزچینی ویکسین انتہائی بوڑھےافرادکوگھروں پرلگانےپرغور کررہی ہے اور حتمی فیصلے کے بعد آئندہ کی حکمت عملی بنائی جائے گی۔ واضح رہے کہاس سے قبل  حکومت پاکستان نے چین کی کین سائنو بائیولوجکس انکارپوریشن کی تیار کردہ سنگل ڈوز کین سائنو بائیو ویکسین کی ساٹھ ہزار خوراکوں کی خریداری کا آرڈر دیا تھا۔

وفاقی حکام نے کہا تھا کہ مطابق چین سے سنگل ڈوز ویکسین کی 60  ہزار خوراکیں  خریدی جائیں گی، انہوں نے عندیہ دیا تھا کہ کین سائنو ویکسین کی پہلی کھیپ ایک ہفتے میں پاکستان پہنچ جائے گی۔ چینی ویکسین کین سائنو کے تجربات دنیا کے مختلف ممالک بشمول پاکستان میں کیے گئے تھے۔