?️
اسلام آباد: (سچ خبریں) حکومت کی رائٹ سائزنگ کمیٹی کی سفارشات پر وزارت انفارمیشن ٹیکنالوجی (آئی ٹی) نے عملدرآمد کرنا شروع کردیا اور وزارت کے ذیلی ادارے این آئی ٹی بی کو ختم کرنے کا فیصلہ کرلیا۔
ڈان نیوز کے مطابق حکومت کی رائٹ سائزنگ کمیٹی کی سفارشات پر وزارت آئی ٹی نے عملدرآمد کرنا شروع کردیا جس کے بعد وزارت آئی ٹی کے ذیلی ادارے نیشنل انفارمیشن ٹیکنالوجی بورڈ (این آئی ٹی بی) کو ختم کرنے کا فیصلہ کرلیا گیا ہے۔
سرکاری دستاویز کے مطابق رائٹ سائزنگ کمیٹی کی سفارشات پر این آئی ٹی بی کو ختم کردیا جائے گا اور آئی ٹی آلات، سافٹ ویئر کی خریداری کو پروکیورنگ ایجنسی کے ذریعے انفرادی طور پر انجام دیا جائے گا۔
دستاویز کے مطابق وزارت آئی ٹی اینڈ ٹیلی کام میں 17 عہدوں کو ختم کردیا گیا ہے، 7 اسامیوں کو ڈائنگ کیڈر قرار دے کر 2026 کے بعد ان عہدوں پر کوئی نئی بھرتی نہیں کی جائے گی، ان اسامیوں کے خاتمے سے لگ بھگ ڈھائی کروڑ روپے سالانہ کی بچت کو یقینی بنایا جائےگا۔
دستاویز کے مطابق نیشنل ٹیلی کمیونیکیشن کارپوریشن کے ڈھانچے کو 50 فیصد کم کردیا گیا ہے، اگنائٹ کو برقرار رکھ کر تیسرے فریق کا جائزہ لیا جائے گا، پی ایس ای بی کی کارکردگی کا جائزہ لے کر تین ماہ میں رپورٹ وزیر اعظم کو پیش کی جائے گی۔
دستاویز کے مطابق پاکستان سافٹ ویئر ایکسپورٹ بورڈ (پی ایس ای بی) اور ٹریڈ ڈیولپمنٹ اتھارٹی آف پاکستان (ٹی ڈی اے پی) کے درمیان اوورلیپ کا بھی جائزہ لیا جائے گا، وزارت نے اگنائٹ، پی ایس ای بی اور این ٹی سی کے معاملے پر کنسلٹنٹ کی خدمات لی ہیں۔
پاکستان ڈیجیٹل اتھارٹی سے متعلق مسودہ بل کو ایک ہفتے میں اسٹیک ہولڈرز کی مشاورت سے حتمی شکل دی جائے گی، مسودہ بل کو حتمی شکل دے کر قومی اسمبلی میں منظوری کے لیے پیش کیا جائے گا
دستاویز کے مطابق ورچوئل یونیورسٹی کو وفاقی وزارت تعلیم اور پیشہ ورانہ تربیت کی ماتحت کردیا گیا ہے۔


مشہور خبریں۔
پاکستان نے 18 مارچ کو افغانستان میں دہشتگردوں کے ٹھکانوں کونشانہ بنایا، ترجمان دفتر خارجہ
?️ 21 مارچ 2024اسلام آباد: (سچ خبریں) ترجمان دفتر خارجہ ممتاز زہرہ بلوچ نے کہا
مارچ
7 اکتوبر سے یکم اپریل تک حماس اور ایران کے خلاف صیہونیوں کی غلطیاں
?️ 20 اپریل 2024سچ خبریں: اب جبکہ غزہ کی جنگ کو چھ ماہ سے زیادہ
اپریل
اگلا ہدف کشمیر کے تنازعے کا ہند و پاک کے ساتھ حل: ٹرمپ
?️ 11 مئی 2025سچ خبریں: امریکی صدر ڈونلڈ ٹرمپ نے ایک روز بعد جب انہوں
مئی
ڈگری تنازع کیس: جسٹس طارق جہانگیری کا چیف جسٹس کے بینچ میں بیٹھنے پر اعتراض
?️ 15 دسمبر 2025اسلام آباد: (سچ خبریں) جسٹس طارق جہانگیری نے ڈگری تنازع کیس میں
دسمبر
ایران کے خلاف جنگ سے حاصل ہونے والے 5 بڑے سبق
?️ 25 مارچ 2026 سچ خبریں:الشرق کے مطابق ایران کے خلاف امریکہ اور اسرائیل کی
مارچ
سائفر کیس: عمران خان، شاہ محمود قریشی پر فردِ جرم عائد کردی گئی
?️ 13 دسمبر 2023اسلام آباد: (سچ خبریں) سائفر کیس میں سابق وزیراعظم و بانی پاکستان
دسمبر
’سلیکٹرز آپکے ساتھ ہیں تو الیکشن سے کیوں بھاگ رہے ہیں‘؟ عمران خان کا مخالفین کو چیلنج
?️ 26 اپریل 2023اسلام آباد:(سچ خبریں) سیاسی حریفوں کو انتخابات میں اپنا سامنا کرنے کا
اپریل
2023 میں اسرائیل کو درپیش تین چیلنجز
?️ 28 دسمبر 2022سچ خبریں:صیہونی اخبار نے اپنی ایک رپورٹ میں 2023 میں صیہونی حکومت
دسمبر