دریائے ستلج میں ہیڈ اسلام اور گنڈا سنگھ کے مقام پر اونچے درجے کا سیلاب برقرار

?️

لاہور: (سچ خبریں) پنجاب کے صوبائی ڈزاسٹر مینجمنٹ اتھارٹی (پی ڈی ایم اے) نے کہا ہے کہ دریائے ستلج میں ہیڈ اسلام اور گنڈا سنگھ کے مقام پر اونچے درجے کا سیلاب برقرار ہے جہاں مختلف علاقوں سے 970 افراد کو ریسکیو کیا گیا ہے۔

ترجمان پی ڈی ایم اے کے مطابق ہیڈ اسلام کے مقام پر پانی کی سطح کمی ہو رہی ہے جہاں پانی کا بہاؤ 1 لاکھ 35 ہزار کیوسک ہے۔

ترجمان پی ڈی ایم اے کے گنڈا سنگھ کے مقام پر پانی کا بہاؤ 1 لاکھ 22 ہزار کیوسک ہے جبکہ سلیمانکی مقام پر درمیانے درجے کا سیلاب ہے۔

ترجمان نے مزید کہا کہ سلیمانکی کے مقام پر پانی کی آمد 1 لاکھ 2 ہزار کیوسک اور اخراج 89 ہزار کیوسک ہے اور دریائے سندھ میں چشمہ کے مقام پر نچلے درجے کا سیلاب ہے۔

ترجمان نے مزید کہا کہ دریائے چناب، راوی اور جہلم میں پانی کا بہاؤ نارمل ہے اور دریاؤں، براجز، ڈیمز اور نالہ جات میں پانی کے بہاؤ کی مسلسل نگرانی کی جا رہی ہے۔

انہوں نے کہا کہ شہری دریاؤں ندی نالوں میں نہانے اور سیر و تفریح سے گریز کریں۔

ترجمان نے کہا کہ دریائے ستلج میں طغیانی کم ہونے لگی ہے، پی ڈی ایم اے کی صورتحال کی کڑی نگرانی جاری ہے اور متاثرہ اضلاع میں بھرپور ریلیف اقدامات جاری ہیں۔

انہوں نے کہا کہ گزشتہ 3 روز میں 100 سے زائد دیہاتوں میں سیلابی صورتحال میں بہتری رپورٹ ہوئی۔

ترجمان نے کہا کہ 23 سے 26 اگست کے دوران متاثرہ اضلاع میں بھرپور ریلیف اقدامات اٹھائے گئے۔

ترجمان پی ڈی ایم پی ڈی ایم اے نے مزید کہا کہ بہاولنگر، قصور، اوکاڑہ، پاکپتن، لودھراں، ویہاڑی اور بہاولپور میں 970 افراد کو ریسکیو کیا گیا اور مذکورہ اضلاع میں قائم میڈیکل کیمپوں سے 32 ہزار لوگوں نے استفادہ کیا۔

پی ڈی ایم اے کے مطابق متاثرہ اضلاع میں 175 ریلیف کیمپس لوگوں کی امداد میں پیش پیش رہے اور سیلاب سے متاثرہ تین سو خاندانوں میں راشن تقسیم کیا گیا ہے جبکہ مذکورہ اضلاع میں 21 ہزار سے زائد مویشیوں کو محفوظ مقام پر منتقل کیا گیا۔

ترجمان کے مطابق 480 دیہات متاثر ہیں جو کہ گزشتہ ہفتے سے کہیں کم ہیں.

ریلیف کمشنر پنجاب نبیل جاوید نے کہا کہ معمولات زندگی بحال ہو رہی ہے، نقل و مکانی کرنے والوں کی جلد واپسی ہوگی، سیلاب سے متاثرہ علاقوں کی بحالی کے لیے ہر ممکن اقدامات اٹھائے جا رہے ہیں ۔

ریلیف کمشنر پنجاب نے کہا کہ نگران وزیر اعلیٰ کی ہدایات کے مطابق سیلاب سے متاثرہ علاقوں کی بحالی اولین ترجیح ہے، انتظامی افسران ہمہ وقت فیلڈ میں موجود رہیں اور کوتاہی یا غیر ذمہ داری ہرگز برداشت نہیں کی جائے گی۔

ترجمان ریکسیو 1122 فاروق احمد کے مطابق سیلابی علاقہ جات میں ریسکیو 1122 کی 425 ریسکیو بوٹ، 1660 ریسکیور ایمرجنسی سروسز فراہم کر رہے ہیں اور گزشتہ 24 گھنٹوں میں 6725 لوگوں کا انخلا، 937 افراد کی ٹرانسپورٹیشن اور 1021 مویشیوں کو محفوظ مقام پہ منتقل کیا گیا ہے۔

ترجمان نے کہا کہ قصور میں 1562 لوگوں کا انخلا اور 288 افراد کی ٹرانسپورٹیشن اور 25 جانوروں کو منتقل کیا گیا، اوکاڑہ میں 93 لوگوں کا انخلا اور 402 افراد کی ٹرانسپورٹیشن کی گئی۔

انہوں نے کہا کہ پاکپتن میں 1460 لوگوں کا محفوظ انخلا اور 24 جانوروں کو محفوظ جگہ پہ منتقل کیا گیا ہے، اسی طرح بہاولنگر میں 607 لوگوں کا انخلا 159 کی ٹرانسپورٹیشن اور 76 جانوروں کو محفوظ مقام پر منتقل کیا گیا ہے۔

فاروق احمد نے مزید کہا کہ وہاڑی میں 1840 لوگوں کا محفوظ انخلا اور 211جانوروں کو محفوظ مقام پہ منتقل کیا گیا، سیلابی علاقہ جات میں ریسکیو 1122 کی خصوصی ٹیمیں متعین ہیں اور قریبی اضلاع بیک اپ کے لیے تیار ہیں۔

مشہور خبریں۔

حریدی کے لیے لازمی خدمت کی ضرورت پر صیہونی حکومت کی اپوزیشن جماعتوں کا اتفاق

?️ 9 نومبر 2025سچ خبریں: صیہونی 12 چینل نے اعلان کیا: اسرائیل کی حزب اختلاف

فزکس کا نوبیل انعام امریکی و کینیڈین سائنس دانوں کے نام

?️ 9 اکتوبر 2024سچ خبریں: سوئیڈن کی رائل اکیڈمی آف سائنسز نے 2024 کا فزکس

مشرق وسطیٰ میں اڑنے والی گاڑیوں سے متعلق اہم خبر

?️ 16 نومبر 2021نیویارک(سچ خبریں) رولز رائس اور ورٹیکل ایرو اسپیس نامی کمپنیوں کے حکام

ایک وفد گیا، دوسرا وفد آیا، یمن مذاکرات کا کیا ہوا؟

?️ 20 اگست 2023سچ خبریں:جمعرات کو یمن کے بحران کے حل اور سعودی امریکی اتحاد

 فلسطین کے معاملے میں انصاف پسند رویہ اختیار کیا جائے:ملائیشیا

?️ 26 اکتوبر 2025 فلسطین کے معاملے میں انصاف پسند رویہ اختیار کیا جائے:ملائیشیا  ملائیشیا کے

مشہور اداکارہ عالیہ بھٹ بھی کورونا کا شکار ہو گئیں

?️ 2 اپریل 2021ممبئی (سچ خبریں)بالی ووڈ کی مشہور اداکارہ عالیہ بھٹ کورونا وائرس میں

فلسطینی قوم نئی اسرائیلی حکومت کا بھی پوری طاقت کے ساتھ مقابلہ کرے گی: محمد اشتیہ

?️ 15 جون 2021رام اللہ (سچ خبریں) فلسطینی وزیراعظم محمد اشتیہ نے نو منتخب اسرائیلی

پاکستان اور افغانستان کے درمیان مذاکرات کا دوسرا دور استنبول میں جاری

?️ 25 اکتوبر 2025استنبول: (سچ خبریں) پاکستان اور افغانستان کے درمیان حالیہ سرحدی کشیدگی کے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے