بھارت کو درندگی کا منہ توڑ جواب دینے کے سوا کوئی راستہ نہیں۔ عرفان صدیقی

?️ 8 مئی 2025

اسلام آباد (سچ خبریں) سینیٹ میں مسلم لیگ (ن) کے پارلیمانی لیڈر سینیٹر عرفان صدیقی نے کہا ہے کہ بھارت کو درندگی کا منہ توڑ جواب دینے کے سوا کوئی راستہ نہیں۔

تفصیلات کے مطابق سماجی رابطے کی ویب سائٹس ایکس پر اپنے پیغام میں عرفان صدیقی کا کہنا تھا کہ سفید جھنڈے لہرانے اور مہلت ملتے ہی حملہ کرنے والوں کو سبق سکھانے کا لمحہ قریب آرہا ہے، بھارت کی ننگی جارحیت نے پاکستان کے آپشنز نہایت محدود کر دیے ہیں۔

ذرائع کے مطابق انہوں نے کہا کہ بھارت نے شہری آبادیوں پر ڈرونز کے بزدلانہ حملے کئے جس سے درجنوں معصوم شہریوں کی شہادت ہوئی، پاکستان کے پاس ایسی درندگی کا منہ توڑ جواب دینے کے سوا کیا کوئی راستہ باقی رہ جاتا ہے؟۔

سینیٹر کا اپنے پیغام میں مزید کہنا تھا کہ سفید جھنڈے لہرانے اور مہلت ملتے ہی حملے شروع کردینے والی منافقت کو حتمی سبق سکھانے کا لمحہ قریب آ رہا ہے۔