بانی پی ٹی آئی پر لگائے جانے والے الزامات اصل میں کس کے خلاف ہونا چاہیے تھے؟ علیمہ خان کی زبانی

?️ 30 جولائی 2024

سچ خبریں: بانی پی ٹی آئی عمران خان کی ہمشیرہ علیمہ خان نے کہا ہے کہ عمران خان اور بشریٰ بی بی پر جو الزامات لگائے گئے ہیں، وہ اصل میں شہباز شریف پر لگانا چاہیے تھے۔

راولپنڈی میں اڈیالہ جیل کے باہر میڈیا سے گفتگو کرتے ہوئے علیمہ خان نے بتایا کہ عدالت نے عمران خان اور بشریٰ بی بی کا 10 دن کا ریمانڈ دے دیا ہے۔

یہ بھی پڑھیں: عدالت نے ایف آئی اے کو عمران خان کی ہمشیرہ علیمہ خان کیخلاف کارروائی سے روک دیا

انہوں نے کہا کہ عمران خان اور بشریٰ بی بی اس وقت ریمانڈ کی وجہ سے جیل میں ہیں۔ جو کچھ ہو رہا ہے یہ غیرقانونی ہے، اور ہمارا آئین اس کی اجازت نہیں دیتا۔

علیمہ خان نے مزید کہا کہ ایک کیس جس میں سزا ہو چکی ہے، اس کی دوبارہ پروسیڈنگ شروع کرنا غیرقانونی ہے۔

انہوں نے الزام عائد کیا کہ شہباز شریف کی حکومت غیرقانونی کام کر رہی ہے، اور اصل میں وہ کیسز ان پر ہونے چاہئیں۔

علیمہ خان کا کہنا تھا کہ ہائیکورٹ ججز پورے اگست کی چھٹی پر چلے جائیں گے اور ستمبر میں واپس آئیں گے۔

انہوں نے مزید کہا کہ القادر ٹرسٹ کیس میں سزا دینے کے بعد پٹیشن 30 ستمبر تک فائل کی جائے گی۔ یہ سب عمران خان کو ڈیل پر آمادہ کرنے کے لیے کیا جا رہا ہے۔

مزید پڑھیں: ہمیں چپ رہنے کیلئے بہت سارے لوگوں نے رابطے کئے،علیمہ خان

انہوں نے واضح کیا کہ عمران خان ڈیل نہیں کریں گے اور حکومت انہیں جیل سے نہیں نکالے گی۔

علیمہ خان نے کہا کہ وقت آ گیا ہے کہ ان غیرقانونی کاموں کے خلاف ہم سب کو کھڑا ہونا پڑے گا۔