بارشوں میں اموات، مریم نواز نے امداد کا اعلان کردیا

?️ 19 جولائی 2025

چکوال (سچ خبریں) وزیراعلی پنجاب مریم نواز نے حالیہ بارشوں کے دوران جاں بحق افراد کے لواحقین اور زخمیوں کو امداد دینے کا اعلان کر دیا۔

تفصیلات کے مطابق وزیراعلی پنجاب مریم نواز نے چکوال میں حالیہ بارشوں اور چکوال سے متاثرہ علاقوں کا دورہ کیا۔ انہوں نے بارش کے دوران جاں بحق افراد کے ورثا کو 10، 10 لاکھ روپے اور زخمیوں کے لیے 5، 5 لاکھ روپے امداد دینے کا اعلان کیا۔

ذرائع کے مطابق مریم نواز نے تمام رابطہ پلوں کی بحالی اور جہلم روڈ پر اسٹیل پل بنانے کی ہدایت کر دی۔ رکن صوبائی اسمبلی چوہدری سلطان حیدر نے کہا کہ میرے حلقہ میں سب سے زیادہ نقصان ہوا ہے۔ اور متاثرین کے نقصان کے ازالہ کے لیے اقدامات کیے جائیں۔

وزیر اعلی پنجاب مریم نواز نے سلطان حیدر علی کی درخواست پر نقصانات کا تخمینہ لگانے کی ہدایت کر دی۔