اپوزیشن کے پاس ایک بھی رکن کا اضافہ ہوا تو تحریک عدم اعتماد لائیں گے۔ فیصل کریم کنڈی

?️ 30 جولائی 2025

پشاور (سچ خبریں) گورنر خیبر پختونخوا فیصل کریم کنڈی نے واضح کیا ہے کہ اپوزیشن کے پاس ایک بھی رکن کا اضافہ ہوا تو تحریک عدم اعتماد لائیں گے۔

تفصیلات کے مطابق میڈیا سے گفتگو کرتے ہوئے انہوں نے کہا کہ باجوڑ اور خیبرپختونخوا میں حالات پی ٹی آئی کی دہائیوں کی نااہلی کا نتیجہ ہیں، پی ٹی آئی نے پرامن صوبے کو شدت پسندوں کے حوالے کر دیا۔

ذرائع کے مطابق وزیراعلی اہل ہوتا تو اپنے شہر ڈیرہ اسماعیل خان کو امن کا گہوارہ بنا دیتا، آج ڈی آئی خان میں شہری رات کو باہر نکلنے سے ڈرتے ہیں۔

امن بحال کرنے کے بجائے وزیراعلی ریاست کو چیلنج کر رہے ہیں، افواج پاکستان کو کمزور کرنے کی کوشش ناقابل قبول ہے۔