آرمی چیف سے ڈائریکٹر سی آئی اے کی ملاقات، علاقائی سیکیورٹی و دیگر امور پر تبادلہ خیال

?️ 9 ستمبر 2021

راولپنڈی(سچ خبریں) آرمی چیف جنرل قمرجاوید باجوہ سے امریکی خفیہ ایجنسی سی آئی اے کے ڈائریکٹر ملاقات ہوئی جس میں انہوں نے افغان صورتحال پر پاکستانی کردار سمیت غیرملکی عملے کے انخلا اور دیگر معاملات میں تعاون کی تعریف کی۔دونوں عہدیداروں  نے علاقائی سیکیورٹی اور دیگر امور پر تبادلہ خیال کیا۔

پاکستانی فوج کے شعبہ تعلقات عامہ (آئی ایس پی آر) کی جانب سے بیان میں کہا گیا کہ آرمی چیف جنرل قمرجاویدباجوہ سے ڈائریکٹرسی آئی اے ولیم جوزف برنز کی ملاقات ہوئی ، سی آئی اے ڈائریکٹر  نے ڈی جی آئی ایس آئی لیفٹیننٹ جنرل فیض حمید سے بھی ملاقات کی۔

آئی ایس پی آر جنرل قمر جاوید کا کہنا تھا کہ ملاقات میں باہمی دلچسپی امور سمیت ،علاقائی سیکیورٹی اور افغانستان صورتحال پرتبادلہ خیال کیا گیا۔ ترجمان کے مطابق اس دوران پاکستانی حکام کی جانب سے خطےمیں امن کیلئے تعاون جاری رکھنے کے عزم کا اعادہ کیا گیا اور افغانستان میں دیرپا امن کیلئےکوششیں جاری رکھنے کے عزم کا اظہار کیا۔

واضح رہے کہ سی آئی اے ڈائریکٹر  نے خطے میں استحکام کے لیے پاکستان کی کاوشوں کو بھی سراہا اور افغان صورتحال پر پاکستانی کردار سمیت غیرملکی عملے کے انخلا اور دیگر معاملات میں تعاون کی تعریف بھی کی۔