انصاف کا جنازہ نہ نکالیں، شاہ محمود قریشی کا بلاول بھٹو کو خط

شاہ محمود قریشی نے خط میں مزید کہا کہ پارلیمنٹ اور تمام اسٹیک ہولڈرز کی مشاورت کے بغیر آئینی عدالت کا قیام پی سی او کورٹ کے مترادف ہوگا، مزید کہا کہ آئینی عدالت کے تحت حلف لینے والے ججز پی سی او ججز کہلائیں گے۔

انہوں نے سابق وزیراعظم ذولفقار بھٹو کی خدمات کا اعتراف کرتے ہوئے کہا کہ ذولفقار علی بھٹو نے صبر اور لچک کا مظاہرہ کرتے ہوئے قوم کو متفقہ آئین دیا۔

بلاول بھٹو کو تنبیہ کرتے ہوئے شاہ محمود قریشی نے کہا کہ مشاورت کے بغیر کسی بھی طرح کی ترمیم نہ صرف عدلیہ کی آزادی کو پامال کرے گی بلکہ وفاق کو بھی کمزور کرے گی، اس تقسیم زدہ ماحول میں یہ ترمیم پاکستان کو نقصان پہنچائے گی۔

شاہ محمود نےمزید لکھا کہ مجھے یہ یقین ہے کہ آپ ایسا ہرگز نہیں چاہیں گے، انہوں نے چیئرمین پیپلز پارٹیکو یاد دہانی کرواتے ہوئے کہا کہ 18 ویں ترمیم کی منظوری کے لیے بھی وقت لگا تھا۔

شاہ محمود نے بلاول بھٹو سے کہا کہ آپ انصاف کا جنازہ نہ نکالیں، یہ آپ کو کوٹ لکھپت جیل کے قیدی کی ایک تجویز ہے، اس کوٹ لکھپت جیل کے قیدی نے آپ کی والدہ کے ساتھ ملکر جمہوریت کے لیے کام کیا ہے۔