چین کا خلائی مشن پہلی بار چاند کے دور دراز حصے پر اترنے میں کیسے کامیاب ہوا؟

پروفیسر نے کہا کہ ‘اس سے ہمیں ان بڑے سوالات کا جواب دینے میں مدد ملے گی، جیسے سیارے کیسے بنتے ہیں، کرسٹ (پرتیں) کیوں بنتے ہیں، نظام شمسی میں پانی کی اصل کیا ہے؟ وغیرہ۔’

سی این ایس اے کے مطابق مشن کا مقصد ڈرل اور مکینیکل بازو کا استعمال کرتے ہوئے تقریبا دو کلو مواد اکٹھا کرنا ہے۔

چاند کے قطب جنوبی– ایٹکن بیسن ایک بڑا سا گڑھا ہے جو نظام شمسی میں اب تک معلوم سب سے بڑا گڑھا ہے۔

پروفیسر پرنیٹ فشر کا کہنا ہے کہ وہاں سے ملنے والے مواد پر تحقیقات چاند کے پردے کے اندر گہرائی میں موجود مواد کا پتہ دے سکتی ہے۔

چاند کا جنوبی قطب قمری مشن میں اگلی سرحد ہے۔ کئی ممالک اس خطے کو سمجھنے کے خواہشمند ہیں کیونکہ اس میں برف ہونے کا خاصا امکان ہے۔

سائنسی تحقیق میں اگر یہ پتا چلتا ہے کہ وہاں پانی ہے یو یہ چاند پر کامیابی کے ساتھ انسانی بنیاد قائم کرنے کے امکانات کو نمایاں طور پر بڑھا دے گی۔

اگر مشن کامیاب ہو جاتا ہے لینڈر واپس کرافٹ سے منسلک ہو جائے گا اور ایک خصوصی واپسی کیپسول میں موجود قیمتی نمونوں کے ساتھ زمین پر واپس آئے گا۔

مواد کو خاص حالات میں رکھا جائے گا تاکہ اسے ہر ممکن حد تک قائم رکھنے کی کوشش کی جا سکے۔

چین میں سائنسدانوں کو چٹانوں کا تجزیہ کرنے کا پہلا موقع دیا جائے گا اور بعد میں دنیا بھر کے محققین بھی اس کے لیے درخواست دے سکیں گے۔

یہ دوسرا موقع ہے جب چین نے چاند سے نمونے لینے کا مشن شروع کیا ہے۔

سنہ 2020 میں چینگ فائیو چاند کے قریب کی طرف اوشینس پورسیلارم نامی علاقے سے 1.7 کلوگرام مواد واپس لایا تھا۔

چین رواں دہائی میں مزید تین مشنوں کی منصوبہ بندی کر رہا ہے اور یہ سب بغیر انسان والے مشن ہیں۔ اس کا مقصد چاند پر پانی کی تلاش ہے اور اس کے ساتھ وہ وہاں مستقل اڈہ قائم کرنے کے لیے تحقیقات کر رہا ہے۔

بیجنگ کے اس بڑے وسیع منصوبے کا مقصد سنہ 2030 کے قریب ایک چینی خلاباز کو چاند پر چلتے دیکھنا ہے۔

دوسری امریکہ بھی خلابازوں کو چاند پر دوبارہ بھیجنا چاہتا ہے۔ امریکی خلائی ادارے ناسا کا مقصد سنہ 2026 میں اپنا آرٹیمیس 3 مشن شروع کرنا ہے۔