مائیکروسافٹ کا اسکائپ میں اہم تبدیلی لانے کا فیصلہ

?️ 30 ستمبر 2021

نیویارک (سچ خبریں) امریکی ٹیکنالوجی کمپنی مائیکرو سافٹ کی زیر ملکیت ایپ اسکائپ کو زیادہ مقبولیت حاصل نہیں ہوسکی تھی جبکہ کورونا وائرس کے دوران ویڈیو کالنگ کی شرح میں اضافہ بھی ہوا ہے  جس کی وجہ سے کمپنی نے ایپ کے متعدد فیچر میں اہم تبدیلی  کا فیصلہ کیا ہے۔

گو کہ اسکائپ کا اصل مقصد ویڈیو کالنگ ہے تاہم کورونا وائرس کے دوران جب ویڈیو کالنگ کی شرح میں اضافہ ہوا تو زوم، گوگل میٹ اور میسنجر رومز کے صارفین کی تعداد بڑھ گئی اور اسکائپ کو بہت کم استعمال کیا گیا۔

بین الاقوامی میڈیا رپورٹ کے مطابق مائیکرو سافٹ نے ٹیلی کمیونی کیشن ایپ اسکائپ میں ایک بڑی تبدیلی نیا گرڈ ڈسپلے ہے جس میں کال میں شامل تمام افراد کو ایڈ کیا جاسکے گا چاہے ویڈیو آف ہی کیوں نہ ہو، مگر تمام شرکا کو دیکھنا ممکن ہوگا۔

اسکائپ میں نئی تھیمز اور لے آؤٹس کی جدت بھی لائی جارہی ہے جس کے ذریعے کالنگ یوزر انٹرفیس کے لیے نئے آپشنز فراہم کیے جائیں گے۔میڈیا رپورٹس کے مطابق اسکائپ میں تبدیلیوں کے بعد صارفین زیادہ بڑی گیلری، ٹوگیدر موڈ، گرڈ ویو اور اسپیکرو ویو کے ساتھ کونٹینٹ ویو کا انتخاب کرسکیں گے جب کہ موبائل ورژن میں سائیڈ پینل، رنگا رنگ تھیمز اور ریفریش آئیکونز کا اضافہ کیا جاسکے گا۔کمپنی کا دعویٰ ہے کہ اسکائپ کے اینڈرائیڈ ورژن کی پرفارمنس میں نئی اپ ڈیٹس کے بعد لگ بھگ 2 ہزار فیصد بہتری آئے گی جبکہ ڈیسک ٹاپ ورژن میں 30 فیصد تک بہتر ہوگی۔