اقوام متحدہ میں صیہونی نمائندے کی یمنیوں کو دھمکی

?️ 31 دسمبر 2024

سچ خبریں:اقوام متحدہ میں صیہونی حکومت کے نمائندے نے سلامتی کونسل کے اجلاس میں یمنیوں کو دھمکیاں دیتے ہوئے ایران کے خلاف جھوٹے الزامات کو دہرایا۔

الجزیرہ نیوز چینل کی رپورٹ کے مطابق اقوام متحدہ میں صیہونی حکومت کے نمائندے دانی دانون نے کہا کہ صیہونی حکومت یمنی حملوں کے سامنے بے بس نہیں رہے گی اور بین الاقوامی برادری کے فیصلے کا انتظار نہیں کرے گی۔

یہ بھی پڑھیں: سلامتی کونسل کے ذریعہ صیہونی حکومت کی خراب کاری کی تحقیقات

انہوں نے دعویٰ کیا کہ حوثیوں کے خلاف ہمارے اقدامات سنجیدہ ہیں، اور وہ وہی کچھ محسوس کریں گے جو اسرائیلیوں نے ان کے حملوں کے بعد محسوس کیا۔

صیہونی نمائندے نے کہا کہ ایران اور اس کے نیابتی گروہوں سے نمٹنے کے لیے ہم ہر قسم کے حالات کے لیے تیار ہیں،یمن سے داغے جانے والے میزائل اور ڈرونز نے اسرائیل کے شہریوں کو نشانہ بنایا، حالانکہ اسرائیل کا یمن سے کوئی تنازع نہیں تھا۔

دانون نے مزید کہا کہ ایران کی مدد سے حوثیوں کو جدید ہتھیار حاصل ہوئے ہیں اور ان کا سالانہ بجٹ 1.2 ارب ڈالر تک پہنچ چکا ہے، جو ممنوعہ سرگرمیوں اور ایران کی مالی امداد سے فراہم ہوتا ہے۔

صیہونی سفارتکار نے کہا کہ حوثی بحری جہازوں کے عملے کو گرفتار کر رہے ہیں،دنیا کو ان کی دہشت گردی کے خلاف کھڑا ہونا ہوگا۔

انہوں نے مزید دھمکی دی کہ حوثیوں کا انجام وہی ہوگا جو حماس اور حزب اللہ کے خلاف اسرائیل کے اقدامات کے نتیجے میں ہوا۔

مزید پڑھیں: UNIFIL فورسز کے بارے میں اقوام متحدہ میں اسرائیل کے نمائندے کی گستاخی

دانون نے صیہونی حکومت کی ناکامیوں کا ذکر کیے بغیر دعویٰ کیا کہ حماس نے جنگ بندی مذاکرات کے دوران مختلف مراحل میں نئی شرائط پیش کی ہیں۔