کون ہو سکتا ہے امریکی صدر؟ ایک سروے

11 ستمبر 2024

سچ خبریں: سی این این کی جانب سے کیے گئے فوری سروے کے مطابق امریکی صدارتی انتخابات 2024 کے پہلے مناظرے میں زیادہ تر ووٹرز نے ڈیموکریٹک امیدوار کو فاتح قرار دیا۔

سی این این کی جانب سے کیے گئے فوری سروے کے نتائج کے مطابق، صدارتی انتخابات 2024 کے پہلے مباحثے میں ڈیموکریٹک امیدوار کمالا ہیرس اور ریپبلکن امیدوار ڈونلڈ ٹرمپ کے درمیان مقابلے میں ووٹرز کی اکثریت نے ہیرس کو کامیاب قرار دیا ہے۔

یہ بھی پڑھیں: امریکی صدارتی امیدواروں کے درمیان پہلا مناظرہ

اس سروے میں 63 فیصد ٹی وی ناظرین (جو کہ تمام ووٹرز کی نمائندگی نہیں کرتے) نے کہا کہ ہیرس مناظرے کی فاتح تھیں، جبکہ صرف 37 فیصد نے ٹرمپ کو کامیاب قرار دیا۔

ہیرس کی واضح کامیابی اس لحاظ سے اہم ہے کہ مناظرے میں شامل ووٹرز مختلف توقعات کے ساتھ وہاں پہنچے تھے، مناظرے سے قبل 50 فیصد نے ہیرس کی کامیابی کی پیش گوئی کی تھی جبکہ بقیہ 50 فیصد نے ٹرمپ کو منتخب کیا تھا۔

یہ فوری سروے منگل کی شب مناظرے کے بعد ان ووٹرز کو پیغامات بھیج کر کیا گیا جو پہلے ہی اس سروے میں شرکت کی اجازت دے چکے تھے، اس سروے کا غلطی کا مارجن 5.3 فیصد تک بتایا گیا ہے۔

مزید پڑھیں: امریکی انتخاباتی دوڑ کی تازہ ترین صورتحال

یہ نتائج اس سے قبل جون میں منعقد ہونے والے ٹرمپ اور جو بائیڈن کے مناظرے کے بعد کیے گئے سروے سے بالکل مختلف ہیں، جس میں تین میں سے دو ووٹرز نے ٹرمپ کو فاتح قرار دیا تھا جبکہ صرف ایک تہائی نے بائیڈن کی بہتر کارکردگی کا دعویٰ کیا تھا۔