نیتن یاہو کو ٹرمپ سے کیسی باتیں سننے کو ملیں

?️ 8 اپریل 2025

سچ خبریں:صہیونی ریاست کے وزیراعظم بنیامین نیتن یاہو کے امریکہ کے دورے اور امریکی صدر ڈونلڈ ٹرمپ سے ملاقات کے حاشیے تجزیہ کاروں کی توجہ کا مرکز بنے ہوئے ہیں۔

الجزیرہ نیوز چینل کی رپورٹ کے مطابق تجزیہ کاروں اور مطلع ذرائع کا کہنا ہے کہ صہیونی وزیراعظم بنیامین نیتن یاہو نے گزشتہ روز امریکی صدر ڈونلڈ ٹرمپ سے ملاقات میں کچھ ایسی باتیں سنیں جو انہیں ناگوار گزریں۔

یہ بھی پڑھیں:ٹرمپ اور نیتن یاہو کے درمیان ہونے والے مذاکرات ناکام

انہوں نے زور دیا کہ نیتن یاہو کو غزہ کی جنگ بند کرنے، ایران اور امریکہ کے درمیان جوہری معاملات پر مذاکرات اور شام و ترکی کے معاملے پر واشنگٹن کے موقف جیسے موضوعات پر گفتگو سننی پڑی۔

تجزیہ کاروں نے مزید کہا کہ نیتن یاہو اور ٹرمپ کی گزشتہ روز کی ملاقات فروری میں ہونے والی ان کی پچھلی ملاقات سے یکسر مختلف تھی۔

امریکی سابق سفارتکار تھامس وارک نے اس بارے میں کہا کہ ٹرمپ نے شام کے معاملے پر نیتن یاہو کے ہاتھوں پانی پھیر دیا۔ نیتن یاہو کے مشیروں نے شام کے خلاف امریکی جارحانہ اقدامات کو تیز کرنے کی کوشش کی لیکن ٹرمپ نے اس کی مخالفت کی۔

مزید پڑھیں:غزہ میں جنگ بندی کی خلاف ورزی؛ صہیونی ریاست کی سیاسی بحرانوں سے فرار اور امریکہ کی پشت پناہی

امریکی صدر نے نیتن یاہو سے ترکی کے حوالے سے بھی کہا: میرے اور اردوگان کے درمیان اچھے تعلقات ہیں۔ وہ مجھے پسند کرتے ہیں اور میں انہیں،اگر تمہیں ترکی کے صدر سے کوئی مسئلہ ہے تو تمہیں اسے حل کرنا چاہیے اور معقول رویہ اپنانا چاہیے۔