امریکہ کی دنیا میں کیا حیثیت رہ گئی ہے؟ ٹرمپ کی زبانی

امریکہ کی دنیا میں کیا حیثیت رہ گئی ہے؟ ٹرمپ کی زبانی

?️

سچ خبریں: سابق امریکی صدر اور 2024 کے صدارتی انتخابات کے امیدوار ڈونلڈ ٹرمپ نے دعویٰ کا کہ امریکہ دنیا میں اپنی عزت کھو چکا ہے اور مذاق بن گیا ہے۔

روئٹرز نیوز ایجنسی کی رپورٹ کے مطابق سابق امریکی صدر اور 2024 کے صدارتی انتخابات کے امیدوار ڈونلڈ ٹرمپ نے ریاست پنسلوانیا کے شہر بٹلر میں ایک اجتماع میں شرکت کی، جہاں جولائی میں ان پر پہلا ناکام قاتلانہ حملہ ہوا تھا، اس موقع پر انہوں نے امریکہ کی گرتی ہوئی ساکھ پر بات کی۔

یہ بھی پڑھیں: کیا امریکہ کسی کا دوست ہو سکتا ہے؟

ٹرمپ نے اس موقع پر امریکی معیشت کو بہتر بنانے، پرتشدد جرائم کے خلاف کارروائی اور جنوبی سرحدوں پر غیر قانونی تارکین وطن کو روکنے کا عزم ظاہر کیا۔

سوشل میڈیا ایکس اور ٹیسلا کے مالک اور ٹرمپ کی حمایت کا اعلان کرنے والے ایلون مسک اس اجتماع میں ان کے ساتھ موجود تھے، یہ قیاس کیا جا رہا ہے کہ اگر ٹرمپ انتخابات جیت جاتے ہیں تو مسک کو امریکی حکومت میں کوئی عہدہ مل سکتا ہے۔

ٹرمپ نے کہا کہ ہمیں ہر چیز کو بہترین حالت میں رکھنا چاہیے، ہمیں بہترین اسکولوں کی ضرورت ہے اور ہماری سرحدیں دنیا کی سب سے مضبوط سرحدیں نا چاہئیں، ہم نہیں چاہتے کہ برے لوگ یہاں آئیں اور ہمیں نقصان پہنچائیں۔

ریپبلکن امیدوار نے مزید کہا کہ آپ اس ملک میں ایسا لیڈر چاہیے جو سب کچھ دوبارہ تعمیر کرے، حالات کو بہتر بنائے اور کامیابیاں حاصل کرے۔

اپنی پہلی مدتِ صدارت کا حوالہ دیتے ہوئے، ٹرمپ نے دعویٰ کیا کہ دنیا ہماری عزت کرتی تھی، ہمیں بہت عزت دی جاتی تھی اور یہ عزت پہلے سے کہیں زیادہ تھی لیکن اب وہ ہم پر ہنس رہے ہیں، ہم یہ برداشت نہیں کر سکتے کہ ہمارا مذاق بنایا جائے!

اپنے خطاب میں ٹرمپ نے موجودہ صدر جو بائیڈن اور نائب صدر کمالا ہیرس کی حکومت کو کمزور قرار دیتے ہوئے الزام لگایا کہ ان کی حکومت نے امریکہ کی ساکھ اور وقار کو نقصان پہنچایا ہے۔

انہوں نے مزید دعویٰ کیا کہ اگر وہ اقتدار میں ہوتے تو یوکرین اور غزہ کی جنگیں کبھی نہ چھڑتیں، ٹرمپ نے یہ بھی دعویٰ کیا کہ ان کے عالمی رہنماؤں، بشمول روسی صدر ولادیمیر پیوٹن اور چینی صدر شی جن پنگ کے ساتھ اچھے تعلقات ہیں۔

مزید پڑھیں: کیا امریکہ تباہ ہو رہا ہے؟

یاد رہے کہ انہوں نے کئی بار دعویٰ کیا ہے کہ اگر وہ 5 نومبر کے انتخابات میں کامیاب ہو جاتے ہیں، تو یوکرین کی جنگ کو 24 گھنٹوں میں ختم کر دیں گے۔

مشہور خبریں۔

طالبان حکومت کو تسلیم کرلو؛طالبان وزیر اعظم کی اسلامی ممالک سے اپیل

?️ 20 جنوری 2022سچ خبریں:طالبان کے وزیر اعظم ملاحسن اخوندزادہ نے ایک پریس کانفرانس میں

صیہونی ریاست پر معاشی بحران کے اثرات

?️ 4 جنوری 2025سچ خبریں:امریکی خبر رساں ادارے بلومبرگ نے اعتراف کیا ہے کہ صیہونی

صیہونی فوج کے ہاتھوں فلسطینی نوجوان شہید

?️ 14 فروری 2022سچ خبریں:مغربی کنارے میں صیہونی فوج کی بلااشتعال فائرنگ کے نتیجہ میں

سپریم کورٹ نے وفاق اور صوبائی حکومتوں سے سالانہ ترقیاتی پلان کی سمری طلب کرلی

?️ 17 ستمبر 2024اسلام آباد: (سچ خبریں) سپریم کورٹ نے وفاق اور صوبائی حکومتوں سے سالانہ

خطے سے امریکی فوجی دستوں کا انخلاء

?️ 22 اکتوبر 2026سچ خبریں: امریکی نشریاتی ادارے این بی سی نیوز کے مطابق امریکی

بارسلونا میں پُرتشدد مظاہرے؛ دکانیں نذر آتش اور املاک کو نقصان

?️ 12 نومبر 2026سچ خبریں:اسپین میں ملک گیر عام ہڑتال شروع ہونے کے ساتھ ہی

کیا امریکہ عراق کے اندرونی معاملات میں مداخلت کر رہا ہے؟

?️ 15 اگست 2023سچ خبریں: عراق کے ایک سیاسی تجزیہ کار نے کہا کہ امریکہ

ڈاکٹر عافیہ صدیقی کو رہا نہ کرکے امریکا ہمیں ہماری اوقات دکھا رہا ہے، اسلام آباد ہائیکورٹ

?️ 24 جنوری 2025اسلام آباد: (سچ خبریں) اسلام آباد ہائیکورٹ کے جسٹس سردار اعجاز اسحٰق

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے