اسرائیل پر حملوں کے باوجود امریکہ یمن کے ساتھ جنگ بندی پر قائم:امریکی عہدیدار

سچ خبریں:امریکی عہدیدار نے کہا ہے کہ امریکہ اور یمن جنگ بندی پر متفق ہیں، چاہے یمنی اسرائیل پر حملے جاری رکھیں، اسرائیل پر حملوں کی پیشگی اطلاع نہ دینے پر بھی امریکی اہلکار نے تحفظات کا اظہار کیا ہے۔

الجزیرہ ٹی وی سے گفتگو  کرتے ہوئے ایک اعلیٰ امریکی عہدیدار نے واضح کیا ہے کہ امریکہ اور یمن جنگ بندی کے معاہدے پر عمل پیرا ہیں، اگرچہ یمنی فورسز اسرائیل پر حملے جاری رکھے ہوئے ہیں۔

یہ بھی پڑھیں:امریکی فوج کو یمن جنگ کے باعث اسلحہ کے شدید بحران کا سامنا

رپورٹ کے مطابق اس امریکی عہدیدار نے بتایا کہ ہم اور یمن متقابل حملے روکنے کے پابند ہیں، چاہے وہ اسرائیل پر حملے جاری رکھیں،انہوں نے مزید کہا کہ اسرائیل بھی ہمیشہ امریکہ کو اپنے حملوں سے قبل مکمل طور پر آگاہ نہیں کرتا۔

یاد رہے کہ چند ماہ قبل امریکی صدر ڈونلڈ ٹرمپ نے یمن پر بے نتیجہ حملوں کے بعد اعلان کیا تھا کہ امریکہ یمن پر حملے اس شرط پر روکے گا کہ صنعاء سے امریکی بحری جہازوں پر میزائل حملے بند ہوں۔

مزید پڑھیں:یمن کے ہاتھوں امریکہ کی شکست؛42 حملے، پسپائی اور جنگ کا اختتام

یہ خبر ایسے وقت میں سامنے آئی ہے جب اسرائیل نے آج مغرب میں یمن کی دو بندرگاہوں، الحدیدہ اور الصلیف، پر فضائی حملے کیے۔ یمنی عوام نے بھی غزہ کی حمایت میں بڑے پیمانے پر ریلیاں نکالیں اور اپنے عزم کا اظہار کیا۔