یوکرین کی روس، ایران اور چین کے 55 افراد و اداروں پر پابندی

?️ 1 نومبر 2025

سچ خبریں:یوکرین کے صدر ولادیمیر زلنسکی نے دو صدارتی حکم جاری کرتے ہوئے روس، ایران اور چین کے 55 افراد اور اداروں پر پابندیاں عائد کر دی ہیں۔

یوکرینی صدر ولودیمیر زلنسکی نے دو ایگزیکٹو احکامات پر دستخط کیے ہیں جن کے تحت روس، ایران اور چین کے مجموعی طور پر 55 افراد اور اداروں پر اقتصادی اور شخصی پابندیاں لاگو کی گئی ہیں، جن پر روس کی جنگی کوششوں میں تعاون کا الزام ہے۔

یہ بھی پڑھیں: ایران کے سوال کا جواب دو؛روس کا یوکرین سے خطاب

یوکرینی ایوانِ صدر کے مطابق، یہ حکم قومی سلامتی اور دفاعی کونسل کے ان فیصلوں کو نافذ کرتے ہیں جن کے تحت مخصوص شخصی و اقتصادی پابندیاں اور دیگر محدودکنندہ اقدامات کا اطلاق کیا جائے گا۔

رپورٹ کے مطابق، پہلا حکم ان افراد سے متعلق ہے جن پر یہ الزام لگایا گیا ہے کہ وہ روسی حمایت یافتہ پروپیگنڈےکو فروغ دیتے ہیں،اس فہرست میں 14 افراد شامل ہیں جو یوکرین پر روس کے حملے کو جواز فراہم کرنے، مقبوضہ علاقوں کی حیثیت سے انکار کرنے اور ڈونباس کی کوئلے کی صنعت سے حاصل ہونے والے مالی مراکز سے وابستگی کے الزامات کا سامنا کر رہے ہیں۔

دوسرا حکم روس کے عسکری۔صنعتی کمپلیکس سے وابستہ کمپنیوں اور سپلائرز کے خلاف پابندیوں کا احاطہ کرتا ہے۔

اس فیصلے کے تحت 10 افراد اور 31 قانونی ادارے روس، چین اور ایران سے تعلق رکھتے ہیں۔

رپورٹ کے مطابق ان کمپنیوں کے مالکان اور بعض اعلیٰ عہدیداروں پر الزام لگایا گیا ہے کہ وہ روس کو پرزہ جات اور سازوسامان فراہم کرنے میں شامل ہیں اور بعض معاملات میں وہ بین الاقوامی پابندیوں کو نظر انداز کرنے میں کردار ادا کر رہے ہیں۔

مزید:ایرانی ڈرونز کب روس پہنچے، ہمیں نہیں معلوم:پینٹاگون

رپورٹ میں مزید دعویٰ کیا گیا ہے کہ ان پابندیوں کے دائرے میں کچھ ایرانی حکومتی اور قانونی ادارے بھی شامل ہیں جن کے بارے میں یوکرینی حکومت کا کہنا ہے کہ انہوں نے روس کو فوجی مصنوعات فراہم کی ہیں۔