کیا ترکی اور اسرئیل کے درمیان تجارت بند ہو گئی ہے؟

?️ 26 مئی 2024

سچ خبریں: ترکی کے صدر نے ایک بار پھر دعوی کیا کہ اس ملک نے اسرائیل کے ساتھ تمام تجارتی اور اقتصادی سرگرمیاں معطل کر دی ہیں

ٹی آر ٹی نیوز ایجنسی کی رپورٹ کے مطابق ترک صدر رجب طیب اردوغان نے اعلان کیا ہے کہ ہم نے اسرائیل کے ساتھ تمام تجارتی سرگرمیاں معطل کر دی ہیں۔

انہوں نے مزید کہا کہ ہم غزہ میں فلسطینیوں کے قتل عام کے خاتمے تک اسرائیل پر تجارتی اور سفارتی دباؤ جاری رکھیں گے۔

یہ بھی پڑھیں: ترکی میں وسیع پیمانہ پر غزہ کی حمایت میں مظاہرے

یاد رہے کہ بلومبرگ نے اپریل کے مہینے میں اپنی ایک رپورٹ میں لکھا کہ صیہونیوں نے دعوی کیا ہے کہ ترکی نے دیگر ممالک کی اسرائیل کے ساتھ تجارت کے لیے اس ملک کی بندرگاہوں تک رسائی روک دی ہے،تاہم اب ترکی نے اعلان کیا ہے کہ اس نے اسرائیل کے ساتھ اپنے تجارتی تعلقات کو مکمل طور پر معطل کر دیا ہے۔

بلومبرگ نے دو ترک عہدیداروں کے حوالے سے بتایا کہ ترکی کی اسرائیل کو تمام برآمدات اور اسرائیل سے تمام درآمدات معطل کی گئی ہیں۔

اسرائیل کے وزیر خارجہ یسرائیل کاٹز نے بھی دعویٰ کیا کہ آنکارا نے اسرائیل کے ساتھ متعلقہ برآمدات اور درآمدات کو ترکی کی بندرگاہوں میں روک دیا ہے۔ انہوں نے آنکارا پر تجارتی معاہدات کی خلاف ورزی کا الزام لگاتے ہوئے کہا کہ اسرائیل کی وزارت خارجہ کو ہدایت دی ہے کہ وہ دوسرے ممالک کے ساتھ تجارت کے لیے متبادل راستہ تلاش کرنے کی کوشش کریں۔

صہیونی وزیر خارجہ نے ان بندرگاہوں کے بارے میں کوئی وضاحت نہیں دی جنہوں نے تل ابیب کے ساتھ تجارتی مراودات کو روک دیا ہے۔

المانیٹر نے بھی ایک سفارتی ذریعہ کے حوالے سے کہا کہ صہیونی وزارت خارجہ نے حال ہی میں ترکی کے فیصلے کے اثرات کی تصدیق کی ہے۔

مزید پڑھیں: کیا ترکی اور صیہونی حکومت کے درمیان تعلقات ختم ہو گئے ہیں؟

یاد رہے کہ ترکی نے اپریل میں اعلان کیا تھا کہ وہ غزہ میں جنگ بندی کا اعلان ہونے تک اپنی مصنوعات اسرائیل کو فروخت نہیں کرے گا،ترکی کی وزارت تجارت کے مطابق، یہ پابندیاں ۵۴ مختلف مصنوعات جیسے کہ لوہا، مرمر، فولاد، سیمنٹ، الومینیم، اینٹ، کیمیائی کھاد، تعمیراتی ساز و سامان اور راکٹ و طیارے کے ایندھن پر مشتمل ہیں۔