آج کی برمودا مثلث آبنائے ہرمز میں ہے:صیہونی اخبار

?️ 17 جون 2026

سچ خبریں:ایک صیہونی اخبار نے آبنائے ہرمز کی اہمیت اور صہیونی حکومت کی قوت مدافعت کے عناصر کے کمزور پڑ جانے کی جانب اشارہ کیا ہے۔

صیہونی اخبار ہارٹیز نے آبنائے ہرمز کی تزویراتی اہمیت اور صہیونی حکومت کی قوت مدافعت میں کمی کا اعتراف کرتے ہوئے کہا ہے کہ غزہ، ایران، لبنان اور یمن کے محاذوں نے تل ابیب کے سلامتی نظریے کو چیلنج کر دیا ہے۔

المیادین نیوز چینل کی رپورٹ کے مطابق عبرانی زبان کے اخبار ہارٹیز نے لکھا ہے کہ غزہ، ایران، لبنان اور یمن کے تناظر میں صہیونی حکومت کے قوت مدافعت اور پیشگی انتباہ کے عناصر کمزور یا ختم ہو چکے ہیں۔

اس رپورٹ میں کہا گیا ہے کہ اس وقت برمودا مثلث آبنائے ہرمز میں واقع ہے اور اس نے صہیونی حکومت کے سلامتی نظریے کے مثلث کو اپنی گرفت میں لے لیا ہے۔

اخبار وال اسٹریٹ جرنل نے گزشتہ روز اپنے اداریے میں لکھا تھا کہ ایران اور امریکہ کے درمیان ہونے والا معاہدہ ایک تزویراتی کامیابی کی تصویر پیش کرنے کے بجائے ایران کے خلاف جنگ کے دوران امریکہ کے اعلان کردہ اہداف سے پسپائی کی عکاسی کرتا ہے۔

رپورٹ کے مطابق ایسا معلوم ہوتا ہے کہ امریکہ میں وسط مدتی انتخابات سے قبل ایندھن کی قیمتوں میں کمی ٹرمپ کے اہم داخلی اہداف میں شامل تھی۔ مستقبل میں ایران آبنائے ہرمز کی بندش کے امکان کو ایک نئے دباؤ کے ذریعے کے طور پر بھی استعمال کر سکتا ہے۔