صہیونی قیدیوں کے اہل خانہ کا احتجاج

سچ خبریں:تل ابیب میں امریکی سفارتخانے کی طرف مارچ کرتے ہوئے اسرائیلی قیدیوں کے اہل خانہ نے نیتن یاہو پر شدید تنقید کی اور ٹرمپ سے مطالبہ کیا کہ تمام قیدیوں کی رہائی کے لیے سنجیدہ اقدامات کریں۔

الجزیرہ نیوز چینل کی رپورٹ کے مطابق، غزہ میں قید اسرائیلی قیدیوں کے اہل خانہ نے تل ابیب میں امریکی سفارتخانے کی طرف مارچ کرتے ہوئے کہا کہ اگر قیدی واپس نہیں آتے، تو اسرائیل کا بھی کوئی مستقبل نہیں۔

یہ بھی پڑھیں:ہم قیدیوں کو واپس لاییں گے: نیتن یاہو

قیدیوں کے اہل خانہ نے ایک بیان میں کہا کہ ہم نیتن یاہو سے کہتے ہیں کہ کوئی معاہدہ بغیر امتیاز کے ممکن نہیں۔ حماس نے خود کہا ہے کہ وہ غزہ پر حکومت نہیں کرنا چاہتی، لہٰذا ہم سب قیدیوں کی رہائی کا مطالبہ کرتے ہیں۔

اہل خانہ نے امریکی صدر ڈونلڈ ٹرمپ سے اپیل کی کہ وہ اپنی کوششیں جاری رکھیں اور سب قیدیوں کی رہائی کو یقینی بنائیں۔ انہوں نے نتانیاہو کو جھوٹا اور فریب کار قرار دیا اور کہا کہ جس طرح وہ ہمیں دھوکہ دے رہا ہے، وہ ٹرمپ کو بھی دھوکہ دے گا،ہم ٹرمپ سے کہتے ہیں کہ وہ جو وعدہ کیا تھا، اسے پورا کرے اور تمام قیدیوں کو بازیاب کروائے۔

 کہ ایک قیدی کے والد نے کہا کہ میرے بیٹے کے پاس امریکی شہریت نہیں، اسی لیے وہ اب تک قید میں ہے، یہ غیر منصفانہ ہے،ایک قیدی کی ماں نے کہا کہ ہم انفرادی رہائی کے خلاف ہیں، سب کو ایک ساتھ آزاد کیا جائے۔

 ایک اور ماں کا کہنا تھا کہ نیتن یاہو نے میرے بیٹے کو مرنے کے لیے چھوڑ دیا ہے۔ اگر وہ اس کو بچانے میں ناکام رہا، تو میں اسے کبھی معاف نہیں کروں گی، اگر میرے بیٹے کو کچھ ہوا، تو میں اسے آخری لمحے تک انصاف کے لیے پکڑوں گی۔

مزید پڑھیں:قیدیوں کا تبادلہ؛ حماس کا اقدام اور مزاحمتی قوت کا میدانی مظاہرہ

یہ احتجاج ایسے وقت میں سامنے آیا ہے جب اسرائیل اندرونی طور پر شدید بحران کا شکار ہے، ایک طرف نیتن یاہو حکومت پر اندرونی تنقید بڑھ رہی ہے اور دوسری طرف امریکہ کے ساتھ ہونے والی مذاکراتی کوششوں میں حماس کا پلڑا بھاری دکھائی دے رہا ہے۔