پاپ فرانسیس کی آخری وصیت 

سچ خبریں:پاپ فرانسیس کی آخری وصیت کے مطابق، ان کی مخصوص گاڑی کو غزہ میں زخمی اور بیمار بچوں کے لیے ایک موبائل کلینک میں تبدیل کیا جا رہا ہے، یہ اقدام عالمی برادری کی جانب سے غزہ کے بچوں کے ساتھ یکجہتی کی علامت ہے۔

مرحوم پاپ فرانسیس، جو کاتولک دنیا کے روحانی پیشوا تھے، نے اپنی آخری وصیت میں تاکید کی تھی کہ ان کی مخصوص سواری کو غزہ کے مظلوم بچوں کی خدمت میں استعمال کیا جائے۔

 اب یہ گاڑی، ان کی وصیت کے مطابق، ایک مکمل موبائل کلینک میں تبدیل کی جا رہی ہے، جو غزہ میں شدید زخمی، بیمار اور سوء تغذیہ کا شکار بچوں کو طبی خدمات فراہم کرے گی۔

تنظیم کاریتاس سوئیڈن کے سیکرٹری جنرل پیتر برونه نے اعلان کیا ہے کہ یہ گاڑی صرف ایک ٹرانسپورٹ کا ذریعہ نہیں، بلکہ ایک مضبوط انسانی پیغام ہے کہ دنیا، غزہ کے بچوں کو فراموش نہیں کر سکتی۔

انہوں نے مزید کہا کہ یہ کلینک غزہ کے ان بچوں کے لیے امید کی کرن ہے جو صحت کے تباہ حال نظام کے باعث طبی سہولیات سے مکمل طور پر محروم ہیں۔

اخبار نیویارک ٹائمز کے مطابق، واٹیکان نے مرحوم پاپ کی وصیت کی تصدیق کرتے ہوئے کہا ہے کہ یہ گاڑی ایک طبی ٹیم کے ہمراہ، جس میں ڈاکٹرز اور نرسیں شامل ہوں گی، پورے غزہ میں گشت کرے گی اور طبی امداد فراہم کرے گی۔

مزید پڑھیں: دینی رہبروں کو فلسطنیوں پر ہونے والے ظلم کے خلاف آگے آنا چاہیے؛پوپ فرانسس اور آیت اللہ سیستانی کی ملاقات کے بعد بیانیہ

پاپ فرانسیس، جو گزشتہ دو سال کے دوران کئی بار اسپتال میں داخل رہے اور 14 فروری 2025 کو دونوں پھیپھڑوں میں انفیکشن کے باعث دوبارہ اسپتال میں لائے گئے، بالآخر 21 اپریل 2025 (عیدِ پاک کے روز) 88 برس کی عمر میں وفات پا گئے۔