نیتن یاہو کی قطر سے معذرت

?️ 1 اکتوبر 2025

سچ خبریں:صیہونی وزیراعظم بنیامین نیتن یاہو نے قطری وزیراعظم محمد بن عبدالرحمن آل ثانی سے فون پر دوحہ پر حملے اور ایک قطری سکیورٹی گارڈ کی ہلاکت پر معذرت کی۔ یہ رابطہ ان کی ٹرمپ سے ملاقات کے موقع پر ہوا۔

صہیونی وزیراعظم بنیامین نیتن یاہو نے دوحہ پر حالیہ اسرائیلی حملے کے بعد قطر سے باضابطہ طور پر معذرت کی ہے۔

یہ بھی پڑھیں:موساد نے قطر میں حماس رہنماؤں کے خلاف زمینی آپریشن کی منصوبہ بندی کی تھی

اکسیوس وب سائٹ کی رپورٹ کے مطابق صہیونی وزیراعظم بنیامین نیتن یاہو نے ایک ٹیلی فونک رابطے میں قطر کے وزیراعظم و وزیر خارجہ محمد بن عبدالرحمن آل ثانی سے گفتگو کرتے ہوئے کہا کہ وہ قطر کی حاکمیت کی خلاف ورزی پر افسوس کا اظہار کرتے ہیں،انہوں نے اس حملے میں ایک قطری سکیورٹی اہلکار کی ہلاکت پر بھی افسوس ظاہر کیا۔

یہ فون کال ایسے وقت میں کی گئی جب نیتن یاہو واشنگٹن میں امریکی صدر ڈونلڈ ٹرمپ سے ملاقات کر رہے تھے۔

مزید پڑھیں:حماس کا سیاسی مرکز دوحہ کے بعد کہاں ہوگا؟

دوسری جانب، سی این این نے رپورٹ دی کہ ٹرمپ نے نیتن یاہو سے ملاقات سے پہلے قطر کے امیر شیخ تمیم بن حمد آل ثانی سے بھی گفتگو کی، عبرانی میڈیا نے دعویٰ کیا ہے کہ ایک اعلیٰ سطحی قطری وفد واشنگٹن پہنچا ہے تاکہ اسرائیلی قیدیوں کی رہائی کے معاہدے کو حتمی شکل دی جا سکے۔