ملیشیا کا عالمی برادری سے صیہونیوں کے خلاف فوری اقدامات کرنے کا مطالبہ

?️ 28 ستمبر 2025

سچ خبریں:ملیشیا کے وزیر خارجہ نے کہا کہ غزہ میں صیہونی بمباری جاری ہے اور کم از کم 70 ہزار افراد جان سے ہاتھ دھو چکے ہیں۔

الجزیرہ نیوز چینل کی رپورٹ کے مطابق ملیشیا کے وزیر خارجہ محمد حسن نے اسرائیل پر نسل کشی کا الزام عائد کرتے ہوئے عالمی برادری سے فوری اقدامات اور سخت پابندیاں عائد کرنے کا مطالبہ کیا۔محمد حسن نے غزہ میں جاری اسرائیلی بمباری پر سخت تشویش کا اظہار کیا اور عالمی برادری سے فوری کارروائی کا مطالبہ کیا ہے۔

یہ بھی پڑھیں:مسلم ممالک اسرائیل کو عدالت میں پیش کریں: ملیشیا

انہوں نے نے صیہونیوں کے خلاف سخت الفاظ استعمال کرتے ہوئے کہا کہ غزہ کے آسمان سے بمباری کی بارش ہو رہی ہے اور ہم کم از کم 70 ہزار جانوں سے محروم ہو چکے ہیں۔

انہوں نے زور دیا کہ عالمی برادری کو فوری اقدامات کرنا ہوں گے کیونکہ صیہونی ریاست نے غزہ میں نسل کشی کا ارتکاب کیا ہے اور اس کے خلاف سخت اقتصادی اور سیاسی پابندیاں عائد کی جائیں۔

ملیشیا کے وزیر خارجہ نے خبردار کیا کہ اگر قابضین کے خلاف مؤثر اقدامات نہ کیے گئے تو مشرق وسطیٰ ایک خطرناک خطہ بن جائے گا۔

مزید پڑھیں:ملیشیا کے وزیر اعظم کا یحییٰ السنوار کی شہادت پر حیرت انگیز بیان

محمد حسن نے کہا کہ فلسطین کا مسئلہ اقوام متحدہ کے قیام کے بعد سے حل طلب ہے اور اگر یہ بحران نہ حل ہوا تو عالمی نظام پر اعتماد ختم ہو جائے گا۔