غزہ میں اسرائیلی جاسوسی آلات کی دریافت

سچ خبریں:فلسطینی مزاحمتی ذرائع نے غزہ میں اسرائیل کے جدید جاسوسی آلات کی موجودگی کا سراغ لگا لیا۔

 فلسطینی مزاحمتی ذرائع نے غزہ میں اسرائیل کے جدید جاسوسی آلات کی موجودگی کا سراغ لگا لیا جنہیں قیدیوں کی نقل و حرکت اور مزاحمتی سرگرمیوں پر نظر رکھنے کے لیے استعمال کیا جا رہا تھا۔

یہ بھی پڑھیں: شمالی غزہ میں صیہونیوں کے خلاف مزاحمت کا زبردست جھٹکا

 فلسطین الیوم کی رپورٹ کے مطابق، ایک اعلیٰ سیکیورٹی کمانڈر نے انکشاف کیا ہے کہ اسرائیلی قابض فوج نے غزہ میں جاسوسی کی سرگرمیاں بڑھا دی ہیں۔

 ان کا کہنا تھا کہ اسرائیلی فوج قیدیوں سے متعلق حساس معلومات اکٹھی کرنے کی کوشش کر رہی ہے۔

 فنی ماہرین نے ایسی جدید جاسوسی ڈیوائسز دریافت کی ہیں جو خفیہ طور پر مختلف علاقوں میں نصب کی گئی تھیں۔

 یہ وہی علاقے تھے جہاں حالیہ دنوں میں مزاحمت نے اسرائیلی اسیران کو منتقل کیا تھا۔

 تکنیکی تجزیے سے معلوم ہوا کہ یہ آلات اسرائیلی ڈرونز، خاص طور پر ‘کواد کوپٹر’ جیسے چھوٹے جاسوسی ڈرونز کے ذریعے نصب کیے گئے۔

 دشمن افطار، سحری اور رات کے آخری پہر میں ان ڈرونز کا استعمال کرتا تھا تاکہ جاسوسی آلات کو مخصوص مقامات پر پہنچایا جا سکے۔

 فلسطینی سیکیورٹی پلیٹ فارم "الحارس” نے عوام کو خبردار کرتے ہوئے درج ذیل سیکیورٹی تدابیر اپنانے کی ہدایت کی ہے کہ گھروں، عمارتوں، چادر کیمپوں اور چھتوں کا باقاعدہ معائنہ کریں تاکہ مشکوک آلات کی نشاندہی ہو سکے،کسی بھی مشتبہ شے کو ہاتھ نہ لگائیں، نہ ہی اس کے قریب گفتگو کریں، اور فوراً سیکیورٹی حکام کو اطلاع دیں،حساس عسکری اور سیکیورٹی معاملات پر غیر محفوظ مقامات پر بات نہ کریں تاکہ دشمن کو معلومات حاصل کرنے کا موقع نہ ملے۔

مزید پڑھیں:غزہ جنگ کے بعد حماس کی نئی جنگی حکمت عملی؛امریکی اخبار کی رپورٹ

 مزاحمتی فورسز نے ثابت کیا ہے کہ وہ ہر قسم کے اسرائیلی حربوں سے نمٹنے کے لیے تیار ہیں۔

 غزہ میں اسرائیلی ڈرونز کے ذریعے جاسوسی کی سرگرمیوں کا پردہ چاک ہونے کے بعد، سیکیورٹی اقدامات مزید سخت کر دیے گئے ہیں۔