?️
سچ خبریں: سعودی عرب کے وزیر صحت فہد الجلاجل نے اعلان کیا ہے کہ حج 2024 کے دوران حجاج کو مملکت آمد سے اب تک تقریباً 13 لاکھ طبی خدمات فراہم کی جا چکی ہیں۔
سعودی پریس ایجنسی کے مطابق، وزیر صحت فہد الجلاجل نے حج سیزن 2024 کے دوران صحت انتظامات کی کامیابی کا اعلان کرتے ہوئے کہا کہ یہ کامیابی صحت کے نظام اور حج سکیورٹی فورسز کی مربوط کوششوں کا نتیجہ ہے۔
انہوں نے بتایا کہ صحت کے نظام کے تحت چار لاکھ 65 ہزار سے زیادہ حجاج کو خصوصی علاج کی خدمات فراہم کی گئیں، جن میں ایک لاکھ 41 ہزار افراد بغیر پرمٹ حج کر رہے تھے۔
یہ بھی پڑھیں: حج میں صہیونی مخالف نعروں پر پابندی کس چیزکی علامت ہے؟لبنانی اہل سنت عالم کی زبانی
ایک انٹرویو میں، فہد الجلاجل نے مقدس مقامات پر شدید گرمی کے باوجود حجاج کی مجموعی صحت کی صورتحال پر اطمینان کا اظہار کیا۔ وزیر صحت نے وزارت صحت کے حکام کی فوری اقدامات کے مثبت اثرات اور حج سکیورٹی فورسز کی موثر کوششوں پر روشنی ڈالی جو گرمی کی شدت کو منظم انداز میں کم کرنے میں کامیاب رہیں۔
انہوں نے کہا کہ سعودی نظام صحت نے اس سال گرمی سے متاثر ہونے والے افراد کی بڑی تعداد کی دیکھ بھال کی، جن میں کچھ ابھی تک زیر علاج ہیں۔
وزیر صحت نے افسوس کا اظہار کرتے ہوئے کہا کہ حج 2024 کے دوران ایک ہزار 301 اموات ہوئیں، جن میں 83 فیصد وہ افراد شامل ہیں جو بغیر پرمٹ کے حج کر رہے تھے اور انہوں نے بغیر مناسب شیلٹر کے براہ راست سورج کی روشنی میں طویل فاصلہ پیدل طے کیا۔
انہوں نے گرمی کی شدت کے خطرات اور احتیاطی تدابیر کی اہمیت پر آگاہی کے لیے حکام کی کوششوں کا بھی ذکر کیا۔ وزیر صحت نے مناسک کے دوران جان سے جانے والوں کے خاندانوں سے تعزیت کی اور افسوس کا اظہار کیا۔
انہوں نے بتایا کہ ابتدائی طور پر ذاتی معلومات یا شناختی دستاویزات کی کمی کے باوجود، تمام رپورٹس مرتب کر لی گئی ہیں، اور جان سے جانے والوں کے اہل خانہ کو مطلع کیا گیا ہے۔ شناخت مکمل کرنے کے بعد مناسب طریقہ کار اپنایا گیا اور ڈیتھ سرٹیفکیٹ فراہم کیے گئے۔
وزیر صحت نے کہا کہ مملکت کی جانب سے عازمین حج کو مفت طبی خدمات کی فراہمی ان کی آمد سے قبل ہی شروع ہو گئی تھی، اور فضائی، سمندری، اور زمینی سرحدی گزرگاہوں پر آگاہی پروگرامز بھی شروع کیے گئے تھے۔
فہد الجلاجل نے بتایا کہ حجاج کو فراہم کی جانے والی صحت خدمات میں اوپن ہارٹ سرجری، کارڈیک کیتھیٹرائزیشن، ڈائیلائسز سیشن، اور 30 ہزار سے زیادہ ہنگامی ایمبولینس کی خدمات شامل ہیں۔ 95 ایئر ایمبولینس آپریشنز مختلف شہروں میں صحت کی جدید سہولیات کی فراہمی کو یقینی بنانے کے لیے موجود رہے۔
مزید پڑھیں: اس سال حج کے دوران شرح اموات میں غیر معمولی اضافہ؛وجوہات؟
انہوں نے مزید کہا کہ محکمہ صحت نے 6500 بستر اور کمرے فراہم کیے، اور گرمی کی شدت کا مقابلہ کرنے کے لیے ایسے آلات بھی فراہم کیے جو متاثرہ افراد کو فوری اور مؤثر طریقے سے بچانے کے لیے تھے۔


مشہور خبریں۔
امریکہ اور برطانیہ فلسطینی قوم کے المیے کا باعث ہیں:فلسطینی اتھارٹی کے سربراہ
?️ 17 مئی 2023سچ خبریں:فلسطینی اتھارٹی کے سربراہ نے اقوام متحدہ میں فلسطینیوں کی نسل
مئی
کیا پاکستانی فوج ہندوستان کو ممکنہ جواب دے گی؟
?️ 10 مئی 2025سچ خبریں: پاکستانی فوج کے ترجمان میجر جنرل "احمد شریف چوہدری” نے ہندوستان
مئی
غزہ کی پٹی میں تمام اسرائیلی بستیاں غیر قانونی ہیں: اقوام متحدہ
?️ 22 اگست 2023سچ خبریں:مشرق وسطیٰ امن عمل میں اقوام متحدہ کے خصوصی رابطہ کار
اگست
اسرائیل کی ٹارگٹ کلنگ، دہشت گردی کی واضح مثال ہے: اٹلی کے تجزیہ کار
?️ 25 جون 2025سچ خبریں: ولیو چیناپی، اطالوی مصنف اور سیاسی تجزیہ کار، کا ماننا
جون
کے پی کے حکومت نے ایمل ولی خان کو سیکیورٹی اہلکار واپس دے دیے
?️ 5 اکتوبر 2025پشاور: (سچ خبریں) کے پی کے حکومت کی جانب سے عوامی نیشنل
اکتوبر
ایران کے خلاف جنگ کے نتیجے میں وائٹ ہاؤس کے لیے سیاسی تباہی:امریکی اخبار
?️ 25 مئی 2026سچ خبریں:ایک امریکی اخبار نے ایران کے خلاف جنگ بھڑکانے کے اثرات
مئی
غزہ شہداء اور زخمیوں کی تازہ ترین تعداد
?️ 18 جون 2026سچ خبریں:غزہ کی وزارت صحت نے اعلان کیا ہے کہ گزشتہ 24
جون
ہری پور: پی ٹی آئی رہنما عمر ایوب کے سیکریٹری اور ڈرائیور گرفتار
?️ 22 دسمبر 2023ہری پور: (سچ خبریں) پاکستان تحریک انصاف (پی ٹی آئی) کے مرکزی
دسمبر