ایران سے مذاکرات کے ذریعے جنگ کا خاتمہ کیا جائے:یورپی یونین کا مطالبہ

?️ 24 مارچ 2026

سچ خبریں:یورپی یونین نے ایران کے ساتھ مذاکرات کے ذریعے جنگ ختم کرنے پر زور دیا ہے۔

یورپی کمیشن کی صدر ارسلا وان ڈیر لیین نے ایران کے ساتھ مذاکرات کی ضرورت پر زور دیتے ہوئے کہا کہ توانائی بحران کے باعث جنگ کا فوری خاتمہ ضروری ہے۔

یورپی کمیشن کی صدر ارسلا وان ڈیر لیین نے منگل کے روز کہا ہے کہ اب وقت آ گیا ہے کہ ایران کے ساتھ مذاکرات کے ذریعے جاری کشیدگی اور جنگ کا خاتمہ کیا جائے۔

انہوں نے کہا کہ یورپی یونین کا مؤقف واضح ہے کہ مسائل کا حل جنگ نہیں بلکہ مذاکرات کے ذریعے نکالا جانا چاہیے۔

ارسلہ وان ڈیر لیین نے مزید کہا کہ موجودہ صورتحال عالمی توانائی کی فراہمی کے لیے نہایت اہم ہے اور اس کے اثرات تیل اور گیس کی قیمتوں، کاروباری سرگرمیوں اور معاشروں پر واضح طور پر محسوس کیے جا رہے ہیں۔

انہوں نے اس بات پر زور دیا کہ کشیدگی کے خاتمے کے لیے ایک جامع اور پائیدار حل صرف مذاکرات کے ذریعے ہی ممکن ہے۔

یورپی کمیشن کی صدر نے کہا کہ یورپی یونین اس مقصد کے لیے سفارتی کوششوں کی حمایت جاری رکھے گی تاکہ خطے میں استحکام بحال ہو سکے۔