فرانس سے الجزائر لائی گئی گندم میں مردہ سور دریافت، پوری گندم واپس کردی گئی

?️ 18 جون 2021

الجزائر (سچ خبریں) الجزائر کے وزیر زراعت نے اعلان کیا ہے کہ فرانس سے لائی جانے والی گندم کی کھیپ میں دو مردہ سور کی دریافت کے بعد پوری گندم واپس فرانس بھیج دی گئی ہے۔

فرانسیسی ریڈیو اسٹیشن مونٹی کارلو نے جمعرات کی شام کو الجیریا کی سرکاری خبر رساں ایجنسی کے حوالے سے اطلاع دی ہے کہ الجزائر کے وزیر زراعت الحمید حمیدانی نے اعلان کیا ہے کہ اس 27،000 ٹن کھیپ کا استعمال ناقابل استعمال ہے اور اسے فرانس واپس بھیج دیا جائے گا۔

حمید حمیدانی نے ایک نیوز کانفرنس میں گفتگو کرتے ہوئے کہا کہ یہ کھیپ فرانس کو واپس کردی جائے گی اور ہمارے عہدے دار فرانس سے اس نقصان کے معاوضے کے خواہاں ہیں۔

عرب 21 نیوز سائٹ نے بھی یہ اطلاع دی ہے کہ الجیریا پہنچنے والی گندم کے دو مراحل میں دو مردہ خنزیر کے موجود ہونے کا پتہ چلا ہے۔

واضح رہے کہ الجیریا گندم کے سب سے بڑے درآمد کنندگان میں سے ایک ہے جبکہ فرانس دنیا میں گندم کے سب سے بڑے برآمد کنندگان میں سے ایک ہے۔

الجزائر کے نیٹ ورک النہار کے مطابق، گذشتہ ہفتے الجیریا نے کینیڈا سے آنے والی گندم کے اچھے معیار کی رعایت نہ کرنے پر 33،000 ٹن گندم کی کھیپ کینیڈا کو واپس بھیج دی تھی۔