کیا صیہونی حکومت حزب اللہ کو شکست دے سکتی ہے؟ صیہونی جرنلوں کی زبانی

?️ 24 ستمبر 2024

سچ خبریں: سابق صیہونی جنرلوں نے اعلان کیا ہے کہ تل ابیب حزب اللہ کو شکست دینے اور اس کے لامحدود میزائل نظام کو ختم کرنے سے ابھی بہت دور ہے۔

المیادین نیوز چینل کی رپورٹ کے مطابق، صیہونی فوج نے دعوی کیا کہ لبنان پر پہلے دن کے حملوں میں حزب اللہ کے میزائل نظاموں کا 50 فیصد سے زیادہ تباہ کر دیا گیا ہے، جس کے بعد صیہونی میڈیا نے اس دعوی کی جانچ کرتے ہوئے اس حوالے سے متعدد سابق صیہونی فوجی جنرلوں کے تبصروں کا جائزہ لیا ۔

یہ بھی پڑھیں: ہم حزب اللہ کو شکست یا کمزور کرنے سے قاصر ہیں: اسرائیلی میڈیا

صیہونی فوج کے سابق میزائل دفاعی نظام کے کمانڈرزفیکا ہائمویچ نے کہا کہ وہ اس تشخیص سے اتفاق نہیں کرتے کہ ہماری فوج حزب اللہ کی نصف میزائل طاقت کو ختم کرنے میں کامیاب ہو گئی ہے۔

انہوں نے مزید کہا کہ حزب اللہ نے پیر کے روز 180 سے زائد میزائل داغے، حالانکہ حزب اللہ ایک گھنٹے میں بھی یہ میزائل داغنے کی صلاحیت رکھتی ہے۔

انہوں نے کہا کہ حزب اللہ نے ابھی اسرائیل کے خلاف اپنی مکمل صلاحیت استعمال نہیں کی ہے۔

ہائمویچ نے تصدیق کی کہ حزب اللہ کے پاس لامحدود میزائل داغنے کی صلاحیت ہے اور پچھلے دو دنوں میں اسرائیل میں جو واقعات پیش آئے ہیں وہ حزب اللہ کی مکمل میزائل طاقت کی ایک چھوٹی سی جھلک ہے۔

صیہونی ریاست کی ​​داخلی سلامتی کونسل کے سابق سربراہ یعقوب عمیدرور نے بھی کہا کہ تل ابیب ابھی تک حزب اللہ کی صلاحیتوں کو تباہ کرنے کے مرحلے کے آغاز کے قریب بھی نہیں ہے، تل ابیب حزب اللہ کو شکست دینے یا اس کی صلاحیتوں کو ختم کرنے سے بہت دور ہے۔

عمیدرور نے صیہونی ریاست کے چینل 14 کے ساتھ بات چیت میں کہا کہ حزب اللہ کے پاس 100000 سے زیادہ میزائل ہیں، اگر تل ابیب ان میں سے 30000 کو بھی تباہ کر دے تو بھی حزب اللہ کے پاس 70000 سے زیادہ میزائل باقی ہیں جو حماس کی طاقت سے سات گنا زیادہ ہیں۔ ہم حزب اللہ کو شکست دینے سے بہت دور ہیں۔

صیہونی میڈیا نے یہ بھی کہا کہ حزب اللہ صیہونی ریاست کے میزائل حملوں کے باوجود، تل ابیب پر حملہ کرنے، لبنان کی فضائی حدود کو بند کرنے اور اسرائیلی فضائیہ کے اڈوں اور توانائی کے مراکز کو نشانہ بنانے کی صلاحیت رکھتی ہے۔

صیہونی میڈیا نے اس غیر قانونی ریاست کے میزائل حملوں پر مایوسی کا اظہار کرتے ہوئے کہا کہ اسرائیل کے اہداف کا بینک کچھ وقت کے بعد ختم ہو جائے گا اور جنگ طویل ہو جائےگی۔

مزید پڑھیں: کیا اسرائیل حماس اور حزب اللہ کو شکست دے پائے گا ؟

صیہونی میڈیا کی رپورٹس کے مطابق کل حزب اللہ نے صیہونی حکومت کے حملوں کے باوجود اس ریاست کے شمالی علاقوں، حیفا اور مقبوضہ علاقوں کے اندر میں واقع فوجی اڈوں پر 200 سے زائد میزائل داغے۔