کیلیفورنیا کی ریاستی پارلیمنٹ نے اسرائیل کو نسل پرست ریاست قرار دینے کے لیئے اہم قدم اٹھانے کا فیصلہ کرلیا

?️ 20 اگست 2021

کیلیفورنیا (سچ خبریں) کیلیفورنیا کی ریاستی پارلیمنٹ نے اسرائیل کو نسل پرست ریاست قرار دینے کے لیئے اہم قدم اٹھانے کا فیصلہ کرتے ہوئے ایک بل پیش کرنے کا اعلان کیا ہے جس کے مطابق مقامی اسکولوں کے لیے ایک نئے نصاب تیار کیا جائے گا جس میں اسرائیل کو ایک نسل پرست ریاست قرار دیتے ہوئے اس سے بائیکاٹ کی ترغیب دی جائے گی۔

تفصیلات کے مطابق اگلے مہینے  کیلیفورنیا کی ریاستی پارلیمنٹ میں بل اے بی 101 پر رائے شماری کی جائے گی، اس بل میں مقامی اسکولوں کے لیے ایک نئے نصاب کی تیاری کی تجویز دی گئی ہے جس میں سرائیل کو ایک نسل پرست ریاست قرار دیا گیا ہے، نصاب میں پڑھائے جانے والی کتابوں میں طلبا کو اسرائیل کے معاشی، اقصادی اور دیگر شعبوں میں بائیکاٹ کی ترغیب دی جائے گی۔

بل AB 101 سکول اضلاع کو نسلی مطالعہ کا نصاب منتخب کرنے کی آزادی دیتا ہے، اسے ہائی اسکول کے طلباء کے لیے لازمی مضمون کے طورپر شامل کیا جائے گا۔

نصاب میں سے ایک کو لبرل نصاب ماڈل برائے نسلی مطالعہ (LESMC) کہا جاتا ہے، اس میں تاریخ کے فلسطینی ورژن کو اپنانے کی بات کی گئی ہے اور اسرائیل کو ایک نسلی ریاست کے طور پر بیان کیا گیا ہے۔

اس نصاب میں طلباء کو اسرائیل کے بائیکاٹ، تقسیم اور پابندیوں (BDS) کی مہمات میں شامل ہونے کی ترغیب دی جائے گی، اسرائیل کو ایک نو آبادیاتی اور نسل پرست ریاست قرار دیا گیا ہے۔

اس نصاب کو تیار کرنے والے تعلیمی گروپ کی ویب سائٹ نے اشارہ کیا کہ اساتذہ خواہش رکھتے ہیں کہ وہ ایک بڑی تحریک کا حصہ بنیں جو پسماندہ لوگوں کی ترجمانی کریں۔