امریکہ کی اسرائیل کو بچانے کی نئی پالیسی

🗓️ 14 اکتوبر 2024

سچ خبریں: امریکہ اسرائیل میں میزائل دفاعی نظام تھاڈ کے ساتھ 100 فوجی تعینات کرنے کا ارادہ رکھتا ہے۔

سی این این کی رپورٹ کے مطابق امریکی محکمہ دفاع (پینٹاگون) نے سرکاری طور پر اسرائیل میں میزائل دفاعی نظام تھاڈ کی تعیناتی کی تصدیق کی ہے۔

اب یہ اطلاعات سامنے آئی ہیں کہ اس نظام کو کنٹرول کرنے اور عملی شکل دینے کی ذمہ داری امریکی فوجیوں پر ہوگی۔

یہ بھی پڑھیں: امریکہ کی حمایت سے خطے میں اسرائیل کی بربریت کا سلسلہ جاری

منصوبہ بندی کے مطابق کم از کم 100 امریکی فوجی اسرائیل میں تعینات کیے جائیں گے، جو تھاڈ دفاعی نظام کی تنصیب اور آپریشن کی نگرانی کریں گے۔

اس سے قبل، امریکی وزارت دفاع کے جاری کردہ ایک بیان میں کہا گیا تھا کہ امریکی صدر کی ہدایت پر وزیر دفاع لوئیڈ آسٹن نے اسرائیل کی فضائی دفاع کو مضبوط کرنے کے لیے ایک تھاڈ نظام اور متعلقہ فوجی عملہ اسرائیل بھیجنے کی منظوری دی ہے۔

یہ فیصلہ 13 اپریل اور 1 اکتوبر کو ایران کی جانب سے تل ابیب پر کیے گئے بے مثال حملوں کے بعد کیا گیا۔

مزید پڑھیں: امریکہ فلسطینیوں کی نسل کشی میں اسرائیل کا ساتھی

پینٹاگون کے بیان میں مزید کہا گیا کہ یہ اقدام اسرائیل کے دفاع اور اسرائیل میں موجود امریکیوں کو ایرانی میزائل حملوں سے بچانے کے لیے امریکی عزم کو ظاہر کرتا ہے۔

یاد رہے کہ یہ پہلا موقع نہیں ہے کہ امریکہ نے تھاڈ نظام کو اس خطے میں تعینات کیا ہے۔