لبنان میں امریکی مداخلت

?️ 8 فروری 2025

سچ خبریں:امریکی حکومت کی مشرق وسطیٰ کے لیے خصوصی نمائندہ کی معاون، مورگان اورتگاس نے اپنے دورۂ بیروت کے دوران حزب اللہ کے خلاف اشتعال انگیز اور مداخلت پر مبنی بیانات دیے، جس نے لبنان میں شدید ردعمل کو جنم دیا ہے۔

لبنانی نیوز ویب سائٹ النشرہ کی رپورٹ کے مطابق امریکی حکومت کی مشرق وسطیٰ کے لیے خصوصی نمائندہ کی معاون، مورگان اورتگاس نے لبنان کے نومنتخب صدر جوزف عون سے کاخ بعبدا میں ملاقات کے بعد میڈیا سے گفتگو کی اور کہا کہ اسرائیل نے حزب اللہ کو شکست دی اور ہم اس پر ان کے شکر گزار ہیں!

یہ بھی پڑھیں: لبنان بنے کا صیہونیوں کا قبرستان:حزب اللہ

انہوں نے مزید کہا کہ ہم اس بات پر زور دیتے ہیں کہ حزب اللہ کو کسی بھی صورت میں لبنان کی نئی حکومت میں شامل نہیں ہونا چاہیے!

اورتگاس نے اپنے مداخلت پسندانہ مؤقف کو مزید بڑھاتے ہوئے دعویٰ کیا کہ امریکہ لبنان کے ساتھ شراکت داری کے لیے پرعزم ہے اور اس کا مقصد نہ صرف لبنان میں بدعنوانی کے خاتمے میں مدد دینا ہے بلکہ اس بات کو بھی یقینی بنانا ہے کہ حزب اللہ کا اثر و رسوخ مکمل طور پر ختم کر دیا جائے۔

مزید پڑھیں: وہ خوفناک منظر نامے جس کا اسرائیل کو انتظار تھا

ان متنازع بیانات کے باوجود، لبنانی حکومت نے اب تک اس معاملے پر کوئی سرکاری ردعمل نہیں دیا ہے،تاہم حزب اللہ کے حامی حلقے اسے لبنان کے اندرونی معاملات میں کھلی امریکی مداخلت قرار دے رہے ہیں۔