افغان صدر اشرف غنی نے طالبان کے خلاف بڑا بیان جاری کردیا

?️ 22 جولائی 2021

کابل (سچ خبریں)  افغان صدر اشرف غنی نے طالبان کے خلاف بڑا بیان جاری کرتے ہوئے کہا ہے کہ طالبان ملک کو تباہ و برباد کرنا چاہتے ہیں اور ان کے القاعدہ کے ساتھ گہرے تعلقات ہیں۔

تفصیلات کے مطابق افغانستان کے صدر اشرف غنی کا کہنا ہے کہ طالبان کے القاعدہ اور دیگر تنظیموں کے ساتھ گہرے روابط ہیں۔

افغانستان کے دارالحکومت کابل میں میڈیا سے گفتگو کرتے ہوئے افغان صدر اشرف غنی نے کہا کہ طالبان افغانستان کو باغیوں کی پناہ گاہ بنانا چاہتے ہیں۔

انہوں نے کہا کہ حکومت طالبان کی خواہش پوری نہیں ہونے دے گی، ہمارا مقصد افغانستان کی آزادی، مساوات اور 20 سال میں حاصل کی گئی کامیابیوں کا تحفظ ہے۔

افغانستان کے صدر نے مزید کہا کہ ہم فوری اور دیرپا امن قائم کرنا چاہتے ہیں، دشمن جان لیں ہم کبھی سرینڈر نہیں کریں گے۔

اشرف غنی کایہ بھی کہنا ہے کہ حکومت نے 5 ہزار طالبان قیدیوں کو رہا کیا لیکن طالبان ہم سے مذاکرات کے لیے رضا مند نہیں ہیں۔