?️
تائیوان (سچ خبریں) تائیوان میں بڑا ٹرین حادثہ ہوا ہے جس کے نتیجے میں سینکڑوں افراد ہلاک اور زخمی ہوگئے ہیں۔
تفصیلات کے مطابق تائیوان میں مسافر ٹرین پٹڑی سے اتر کر خوفناک حادثے کا شکار ہوئی جس کے نتیجے میں 48 افراد ہلاک اور 66 زخمی ہوگئے۔
خبر ایجنسی رائٹرز کی رپورٹ کے مطابق ٹرین میں 500 افراد سوار تھے اور ٹنل کے اندر پٹڑی سے اتر گئی اور تائیوان میں یہ دہائیوں بعد بدترین حادثہ ہے۔
جائے حادثہ کی تصاویر اور ویڈیوز میں ٹنل کے اندر پھنسے ہوئے مسافروں کو دکھا جا سکتا ہے جہاں امدادی کارکن کام میں مصروف ہیں اور رپورٹ کے مطابق تمام مسافروں کو نکال لیا گیا ہے۔
حادثے کی شکار خاتون نے بتایا کہ حادثے کے وقت تمام مسافر ایک دوسرے پر گرے اور یہ خوف ناک مناظر تھے، جہاں پورے پورے خاندان موجود تھے۔
رپورٹ کے مطابق حادثہ تائیوان کے مشرقی شہر حوالیئن میں پیش آیا اور ڈرائیور بھی ہلاک ہوا، ٹرین میں سیاحوں کی بڑی تعداد سوار تھی اور کئی افراد ہفتہ وار چھٹیوں اور آبائی علاقوں میں روایتی ٹومب سویپنگ ڈے کی چھٹیاں منانے جا رہے تھے، تائیوان کے میڈیا کا کہنا تھا کہ ٹرین بھری ہوئی تھی اور کئی مسافر کھڑے تھے۔
مسافر ٹرین دارالحکومت تائی پے سے جنوب مشرقی شہر ٹیٹنگ جا رہی تھی جو بظاہر ایک ٹرک سے ٹکرانے کے بعد حادثے کا شکار ہوئی۔
ٹرانسپورٹ کے وزیر لن چیا لونگ نے صحافیوں کو بتایا کہ ٹرین میں 490 افراد سوار تھے اور جنہیں ابتدائی طور پر فائر حکام کی جانب سے فراہم کی گئی ان کی تعداد 350 سے زیادہ ہے۔
سرکاری سینٹرل نیوز ایجنسی کا کہنا تھا کہ شبہ ہے کہ ٹرک قابو سے باہر ہو کر مسافر ٹرین کے راستے میں آیا تھا اور پولیس نے ڈرائیور کو حراست میں لیا ہے، ایک عینی شاہد کا بھی کہنا تھا کہ ہماری ٹرین ٹرک سے ٹکرا گئی تھی جو پھسلتے ہوئے آرہا تھا۔
یاد رہے کہ تائیوان میں گزشتہ ماہ دو جنگی طیارے جنوب مشرقی علاقے میں تربیتی مشن کے دوران بظاہر تصادم کے بعد سمندر میں گر کر تباہ اور ان میں سوار دونوں پائلٹ بھی ہلاک ہوگئے تھے اور یہ 8 ماہ کے دوران تیسرا حادثہ تھا۔
یاد رہے کہ 2014 میں ایک ڈومیسٹک ٹرانز ایشیا ایئر ویز کا طیارہ تائیوان کے مغربی ساحل کے ایک جزیرے پر لینڈنگ کے دوران گر کر تباہ ہو گیا تھا جس کے نتیجے میں 47 افراد ہلاک ہو گئے تھے۔
سول ایروناٹکس ایڈمنسٹریشن کے سربراہ جین شین نے کہا تھا کہ 72 نسشتوں کا اے ٹی آر 72، رن وے کے قریب گر کر تباہ ہو گیا تھا، طیارے میں عملے کے چار ارکان سمیت 54 افراد سوار تھے۔


مشہور خبریں۔
بھارت بہانے سے جنگ بندی سے فرار کر رہا ہے
?️ 8 اگست 2021اسلام آباد (سچ خبریں) پاکستان نے واضح کیا ہے کہ بھارت نام
اگست
مغرب کے دوہرے معیار پر چینی میڈیا کی تنقید، یوکرین پر ھنگامہ اور ایران پر خاموشی
?️ 23 مارچ 2026سچ خبریں:چینی میڈیا نے ایران اور یوکرین کے معاملے میں مغرب کے
مارچ
طالبان کا مقابلہ کرنے کے لیے مسلح افغان خواتین اتریں میدان میں
?️ 8 جولائی 2021سچ خبریں:افغانستان میں بڑھتی ہوئی کشیدگی اور طالبان کے لگاتار حملوں کے
جولائی
سوات: خیبرپختونخوا میں دہشتگردی کی لہر کے خلاف ہزاروں افراد کا احتجاج
?️ 6 مئی 2023سوات: (سچ خبریں) خیبرپختونخوا کے شہر سوات میں دہشتگردی کی لہر کے
مئی
امریکی تجزیہ کار: امریکی بحری ناکہ بندی بین الاقوامی قوانین کی کھلی خلاف ورزی
?️ 21 اپریل 2026سچ خبریں: امریکی امورِ بین الاقوامی کے معروف تجزیہ کار اور مصنف
اپریل
امریکی انتخابات میں ٹرمپ اور ریپبلکنز کو بڑا دھچکا، کانگریس کے دونوں ایوانوں کا کنٹرول ڈیموکریٹس کے ہاتھ میں
?️ 10 نومبر 2026سچ خبریں:امریکہ کے 2026 کے وسط مدتی انتخابات میں ڈیموکریٹس کی کامیابی
نومبر
یمن کو اپنی سلامتی اور علاقائی پانی کے دفاع کا پورا حق حاصل
?️ 6 جنوری 2022سچ خبریں: یمن کی تحریک انصار اللہ کے ترجمان اور صنعا میں
جنوری
سیف القدس 2 ؛اسرائیل کو تباہ کرنے کے لیے 400 ملین عرب میدان میں آئیں گے؟
?️ 31 جنوری 2023سچ خبریں:انٹر ریجنل آن لائن اخبار رائے الیوم کے ایڈیٹر انچیف نے
جنوری