240000 افراد ہلاک اور 2 ٹریلین ڈالر سے زائد خرچ ؛ افغانستان میں 20 سال کی امریکی موجودگی کا نتیجہ

?️ 18 اگست 2021

سچ خبریں:افغانستان میں امریکہ کی 20 سالہ موجودگی نے 240000 افراد کو ہلاک کیا ہے جبکہ 2 ٹریلین ڈالر سے زیادہ کی لاگت آئی ہے۔
جیسے جیسے افغانستان سے امریکی موجودگی کا خاتمہ قریب آتا جارہا ہے ، 20 سال کی امریکی موجودگی کے مزید نتائج سامنے آتے جارہے ہیں،راؤن یونیورسٹی کے واٹسن انسٹی ٹیوٹ برائے پبلک افیئرز اور انٹرنیشنل افیئرز نےاپنی ایک رپورٹ میں لکھا ہے کہ افغانستان میں امریکی جنگ کی قیمت جو 2001 کے موسم خزاں میں شروع ہوئی تھی اورآئندہ چند دنوں میں ختم ہو گی ، 2.26 ٹریلین ڈالر تھی، یہ خرچ امریکہ محکمہ دفاع اور محکمہ خارجہ نے پورا کیا ہے، دوسری طرف اس جنگ کے نتیجے میں 241000 افراد براہ راست مارے گئے ہیں جبکہ 20 سالوں کے دوران جنگ میں مجموعی طور پر 2448000 امریکی فوجی ہلاک ہوئے ہیں اور 1144 نیٹو فوجی ہلاک ہوئے ہیں۔

رپورٹ میں کہا گیا ہے کہ سال کی جنگ میں 69 ہزار افغان فوجی مارے گئےجبکہ 72 صحافی اور 444 انسانی امدادی کارکن ہلاک ہوئے،واضح رہے کہ اس اعدادوشمار میں وہ لوگ شامل نہیں ہیں جنہوں نے بیماریوں ، خوراک ، پانی اور بنیادی ڈھانچے تک رسائی کی کمی اور جنگ کے دیگر بالواسطہ نتائج کی وجہ سے اپنی جانیں گنوائی ہیں،یادرہے کہ طالبان گروپ افغانستان کے سابق صدر اشرف غنی کے جانے کے بعد اتوار (15 اگست) کو کابل میں داخل ہوا، امریکن وال اسٹریٹ جرنل نے طالبان افواج کی آمد کو امریکہ کی 20 سالوں کے اختتام اور دیگر مغربی کوششوں کو "جدید جمہوریت کی شکل میں افغانستان کی تعمیر نو” کے لیے سراہا۔

یادرہے کہ امریکہ اور طالبان کے درمیان فروری 2020 کے معاہدے اور دونوں فریقوں کے درمیان ہونے والےامن معاہدے پر دستخط کیے جانے کے بعد افغانستان سے امریکی فوجیوں اور اتحادیوں کا انخلا شروع ہوا، تاہم حالیہ ہفتوں میں ، افغانستان میں جنگ میں شدت آئی ہے اور طالبان افغانستان کے کئی حصوں پر قبضہ کرنے میں کامیاب ہوگئے ہیں۔