یمن کا ہزار کلومیٹر دُور اسرائیلی جہاز پر حملے پر Maritime Executive کی حیرت

 یمن کا ہزار کلومیٹر دُور اسرائیلی جہاز پر حملے پر Maritime Executive کی حیرت

عالمی بحری اُمور سے متعلق ویب سائٹ Maritime Executive نے کہا ہے کہ یمنی افواج کی جانب سے نشانہ بنایا گیا اسرائیلی آئل ٹینکر ’’اسکارلٹ رے‘‘ یمن سے ایک ہزار کلومیٹر سے بھی زیادہ فاصلے پر موجود تھا۔

خبر رساں ادارے المسیرہ کے مطابق ویب سائٹ نے اپنی رپورٹ میں بتایا کہ خودکار شناختی نظام کے اعداد و شمار ظاہر کرتے ہیں کہ یہ اسرائیلی جہاز سعودی عرب کے بندر ینبع کے قریب تھا اور اس کے نیویگیشن سگنلز کئی ہفتوں سے متاثر تھے۔ مزید کہا گیا کہ گزشتہ اتوار دوپہر کے بعد سے اس جہاز کی طرف سے کوئی سگنل موصول نہیں ہوا۔

رپورٹ میں اعتراف کیا گیا کہ جس جگہ پر یہ جہاز میزائل کا نشانہ بنا، وہ یمن سے ۶۰۰ سمندری میل (تقریباً ۱۱۱۱ کلومیٹر) کی مسافت پر واقع ہے۔

یمنی مسلح افواج نے ایک روز قبل جاری کردہ بیان میں اعلان کیا تھا کہ شمالی بحیرۂ احمر میں اسرائیلی آئل ٹینکر ’’اسکارلٹ رے‘‘ کو ایک بیلسٹک میزائل سے نشانہ بنایا گیا اور میزائل براہِ راست جہاز سے ٹکرایا۔

یمنی افواج نے واضح کیا کہ اسرائیلی بحری جہازوں یا ان جہازوں کی آمدورفت روکنے کی کارروائیاں جاری رہیں گی جو مقبوضہ فلسطین کی بندرگاہوں کی طرف جا رہے ہوں، تاکہ فلسطینی عوام کی حمایت جاری رکھی جا سکے۔