ہم جنگ میں ملوث ممالک کو ہتھیار برآمد نہیں کریں گے: چین

سچ خبریں: چین کے اسرائیل میں واقع سفارت خانے نے "مڈل ایسٹ آئی” کی جانب سے ایران کو میزائل پروڈکشن سامان یا ایئر ڈیفنس سسٹم کی ترسیل کے دعوے کو مسترد کر دیا۔ بیجنگ کے سفارت خانے نے زور دے کر کہا کہ چین کبھی بھی جنگ زدہ ممالک کو ہتھیار فروخت نہیں کرتا۔

سفارت خانے کے بیان میں کہا گیا کہ چین اس رپورٹ کے مواد کو غلط قرار دیتا ہے۔ چین اپنے اصولوں اور ضوابط کے مطابق، کبھی بھی جنگ میں ملوث ممالک کو اسلحہ برآمد نہیں کرتا اور ڈوئل استعمال کی مصنوعات کی برآمدات پر سخت نظر رکھتا ہے۔

بیان میں مزید کہا گیا کہ چین، اقوام متحدہ کی سلامتی کونسل کا مستقل رکن ہونے کے ناطے، فوجی شعبے سے متعلقہ اشیا کی برآمدات کے معاملے میں محتاط اور ذمہ دارانہ رویہ اپناتا ہے۔

مڈل ایسٹ آئی نے پیر کو ایک رپورٹ میں دعویٰ کیا تھا کہ چین نے جدید گراؤنڈ ٹو ایئر میزائل سسٹمز ایران کو فراہم کیے ہیں۔ میڈیا کے مطابق، یہ اقدام تہران اور بیجنگ کے درمیان بڑھتے ہوئے فوجی تعلقات کی ایک اور علامت ہے۔