ہارن کی جگہ بم کا بٹن دبانے سے 21 داعشی اپنے ہی ہاتھوں ہلاک

?️ 13 فروری 2021

سچ خبریں:عراق کے شہر سامرا میں داعش دہشت گرد تنظیم کے کچھ ارکان جو کار بم سے خود کش کاروائی کرنےکے لیے جارہے تھے ، نے غلطی سے ایک بٹن دبانے سے اپنے بارودی مواد کو دھماکے سے اڑا دیا۔
شفق نیوزایجنسی کی ویب سائٹ کی رپورٹ کے مطابق ، سامرا آپریشنز کمانڈ کے سربراہ جبار الدراجی نے آج (سنیچر) کو ایک بیان میں اعلان کیا ہے کہ ایک کار بم دھماکے میں 21 داعش ارکان ہلاک ہوگئے ، سامرا آپریشنز کمانڈ نے کہا ہے کہ داعش دہشت گرد تنظیم کے عناصر نے الدور کے جنوب میں واقع جلام سامراءکے علاقے میں فیڈرل پولیس سے وابستہ ایک چوکی کے قریب خود کو دھماکے سے اڑانے کا منصوبہ بنایا تھا تاہم دہشت گردانہ کاروائی سے قبل ہی ان کی کار پھٹ گئی اور ان عناصر میں سے 21 افراد مارے گئے ۔

سامرا آپریشنز کمانڈ نے وضاحت کی کہ دھماکے کی وجہ یہ تھی کہ کار تھی جس کے ڈرائیور نے اپنے دوستوں کو الوداع کہنے کے لئے داعش دہشت گرد تنظیم کے ایک ٹھکانے کو چھوڑنے سے پہلے ہی ہارن بجایا اور اسی دوران وہ بھول گیا کہ کارکا ہارن دھماکہ خیز پیکیج سے منسلک ہے، جس کی وجہ سے کار پھٹ گئی اور تمام مذکورہ عناصر ہلاک ہوگئے۔

واضح رہے کہ اگرچہ عراقی حکومت اپنے ملک سے داعش کے خاتمہ کا اعلان کر چکی ہے تاہم اس دہشتگرد تنظیم کے باقی ماندہ عناصر عراق کے مختلف صوبوں میں اس ملک کی اعلی شخصیات اور دیگر مقامات کے خلاف دہشتگردانہ کاروائیاں کر تے رہتے ہیں ، قابل ذکر ہے کہ عراق اور شام میں داعشی دہشتگردوں کو امریکہ کی مکمل پشت پناہی حاصل ہے جو ان ممالک میں ان کا خاتمہ کرنے کے لیے داخل ہوا تھا اور شروع سے لے کر آج تک ان کے لیے ایک سہلوت کار کے فرائض انجام دے رہا ہے جس کے متعدد ثبوت موجود ہیں۔