پاکستانی سینیٹر کی جانب سے یمنی قیادت پر اسرائیلی حملے کی مذمت

?️ 31 اگست 2025

پاکستانی سینیٹر کی جانب سے یمنی قیادت پر اسرائیلی حملے کی مذمت

 پاکستان کی سینیٹ میں اپوزیشن لیڈر اور مجلس وحدت مسلمین کے سربراہ علامہ ناصر عباس جعفری نے یمن کے وزیر اعظم احمد غالب الرہوی اور کابینہ کے متعدد وزراء کی اسرائیلی حملے میں شہادت کی شدید مذمت کی ہے۔

انہوں نے اپنے بیان میں کہا کہ یہ بزدلانہ کارروائی صہیونی ریاست کی غیر قانونی موجودگی کو زوال سے نہیں بچا سکتی۔ ان کا کہنا تھا کہ اسرائیل کے یہ اقدامات بین الاقوامی قوانین کی کھلی خلاف ورزی اور جنگی جرائم کی واضح مثال ہیں۔

علامہ ناصر عباس جعفری نے یمنی عوام سے اظہارِ یکجہتی کرتے ہوئے کہا کہ مجھے یقین ہے کہ مزاحمتی قوم یمن اپنے عزم و حوصلے سے اس مشکل وقت پر قابو پا لے گی۔ انہوں نے یمن کے عوام کے لیے گہرے دکھ اور تعزیت کا اظہار کرتے ہوئے دعا کی کہ اللہ تعالیٰ انہیں طاقت اور اتحاد عطا فرمائے تاکہ وہ صہیونی جارحیت کا مقابلہ کر سکیں۔

خیال رہے کہ گذشتہ جمعرات اسرائیلی فضائیہ نے صنعا میں ایک حکومتی ورکشاپ کو نشانہ بنایا، جس میں یمن کے وزیر اعظم احمد غالب ناصر الرہوی اور کئی وزراء شہید ہوگئے۔ انصاراللہ کے مطابق متعدد وزراء زخمی بھی ہوئے، جن میں سے کچھ کی حالت تشویشناک ہے۔اسرائیل نے اپنے حملے کے بعد اعلان کیا تھا کہ اس نے یمنی حکومت کے کئی اعلیٰ حکام کو ہدف بنایا ہے