وائٹ ہاؤس کے قریب بائیڈن کو تلاش کرنے والی مسلح خاتون گرفتار

?️ 15 فروری 2021

سچ خبریں:امریکی اخبارڈیلی میل کی رپورٹ کے مطابق ایک 66 سالہ خاتون کو ہفتے کی شام کو وائٹ ہاؤس کے قریب اپنی کار سے گرفتار کیا گیا جس نے پولیس افسران سے رابطہ کیا اور کہا کہ ان کے پاس صدر بائیڈن کے لئے ایک خط ہےتو پولیس نے جب اس پر شک کیا اور اسے گرفتار کرلیا، پولیس کو خاتون کی کار میں غیر رجسٹرڈ آتشیں اسلحہ بھی ملا، اس کی کار بھی 15 ویں اسٹریٹ کے قریب کھڑی تھی۔

میٹروپولیٹن پولیس محکمہ نے بتایا کہ اس خاتون کو وائٹ ہاؤس سے دو بلاکس 15 ویں اسٹریٹ پر واقع ایک ریستوراں کے قریب گرفتار کیا گیا ، یہ خاتون وائٹ ہاؤس کمپلیکس کے قریب چوکی کے قریب پہنچی ،پولیس کا کہنا ہے کہ یہ خاتون مبینہ طور پربی بی آئی رائفل سے لیس اور شخص کی بھی مدد کر رہی تھی ،واضح رہے کہ 6 جنوری کو امریکی کانگریس کی عمارت پر حملے کے بعد سے اس ملک کےدارالحکومت میں حفاظتی اقدامات میں تیزی آ گئی ہے۔

نیشنل گارڈ کے دستے بیس جنوری کو بائیڈن کی حلف برداری کی تقریب کےموقع پر واشنگٹن میں تعینات کیے گئے تھے جو مارچ کے وسط تک کانگریس اور وائٹ ہاؤس کمپلیکس کی حفاظت جاری رکھیں گے،تاہم کچھ ذرائع کا کہنا ہے اس مدت کے بعد بھی واشنگٹن ، ڈی سی میں فورس کے باقی رہنے کا امکان ہے،واضح رہے کہ پوری دنیا کو جمہوریت کا درس دینے والے امریکہ کی اپنی حالت یہ ہے اقتدار کی منتقلی میں پورے ملک میں اتنی ہنگامہ آرائی ہوئی کہ حتی امریکہ کے دوستوں کو ابھی جمہوریت کے اس کے دعوے کھوکھلے نظر آنے لگے اور چھ جنوری سے شروع ہونے والا بحران آج بھی جاری ہے جبکہ اس کے اصلی مجرم کو حال ہی میں سینٹ نے باعزت بری کردیا ہے جس نے عوامی حلقوں میں کہا جارہا ہے کہ امریکی سیاست میں نسل پرستی کا بول بالا ہے۔