ملائیشیا میں موساد کی کاروائی ناکام

?️ 2 اپریل 2024

سچ خبریں: ملائیشیا کے پولیس ذرائع نے ایک صیہونی کی گرفتاری کا اعلان کیا ہے جو بہت زیادہ اسلحہ اور گولہ بارود لے کر فرانسیسی پاسپورٹ کے ساتھ ملک میں داخل ہوا تھا۔

الجزیرہ نیوز چینل کی رپورٹ کے مطابق ملائیشیا کی پولیس نے اس ملک میں موساد آپریشن کو بے اثر کرنے کا اعلان کیا تاہم اس کی تفصیلات نہیں بتائیں۔

ملائیشیا کی پولیس کے سربراہ رضا الدین حسین نے اعلان کیا کہ 27 مارچ کو ایک صیہونی کو گرفتار کیا گیا جس کے پاس 6 ہتھیار اور 200 گولیاں تھیں۔

یہ بھی پڑھیں: ملائشییا میں موساد کا جاسوس نیٹ ورک تباہ

انہوں نے مزید کہا کہ یہ 36 سالہ صہیونی 12 مارچ کو فرانسیسی پاسپورٹ کے ساتھ ملائیشیا میں داخل ہوا اور پوچھ گچھ کے بعد اس نے اپنا اسرائیلی پاسپورٹ پیش کیا۔

ملائیشیا کے پولیس چیف نے اعلان کیا کہ اس شخص نے دعویٰ کیا ہے کہ اس کا نشانہ ایک اور اسرائیلی تھا جس کے ساتھ اس کا خاندانی تنازعہ تھا۔

انہوں نے مزید کہا کہ ملائیشیا کی سکیورٹی فورسز نے اس اسرائیلی کی باتوں پر یقین نہیں کیا اور یہ ممکن نہیں کہ اس کے ذہن میں کوئی اور مقاصد نہ ہوں، ملائیشیا کی پولیس صہیونی انٹیلی جنس تنظیم میں اس کی رکنیت کے امکان کے حوالے سے تحقیقات کرے گی۔

ملائیشیا کے پولیس چیف کا کہنا تھا کہ اس شخص کی گرفتاری کے بعد ملائیشیا کی سکیورٹی فورسز مکمل چوکس ہیں اور اس ملک کے بادشاہ اور وزیراعظم نیز بعض دیگر اعلیٰ حکام کے لیے حفاظتی اقدامات کو مزید سخت کردیا ہے۔

مزید پڑھیں: کھیلوں میں صیہونی لابی کا فلسطین کی حمایت پر ملائیشیا کو سنگین انتباہ

انہوں نے کہا کہ فلسطین کی موجودہ صورتحال کی روشنی میں ہمیں سلامتی کے معاملے میں چوکنا رہنا چاہیے۔

واضح رہے کہ 2018 میں فلسطینی سائنسدان اور کارکن انجینئر فادی البطش کو ملائیشیا میں موساد کے ایجنٹوں نے قتل کر دیا تھا۔