مقبوضہ فلسطین سے بھاگنے والے صیہونیوں کے اعداد و شمار

?️ 9 دسمبر 2023

سچ خبریں: صیہونی ایک اخبار نے اعتراف کیا کہ طوفان الاقصیٰ آپریشن کے آغاز سے لے کر اب تک مقبوضہ علاقوں سے 500000 صہیونی نقل مکانی کر چکے ہیں۔

الجزیرہ چینل کی رپورٹ کے مطابق صیہونی اخبار ٹائم اسرائیل نے اپنی ایک رپورٹ میں اعتراف کیا ہے کہ 7 اکتوبر اور طوفان الاقصیٰ آپریشن کے آغاز سے اب تک تقریباً 370000 افراد مقبوضہ علاقوں سے نقل مکانی کر چکے ہیں اور آیا یہ صہیونی مقبوضہ علاقوں میں واپس آئیں گے یا نہیں،اس کے بارے میں بے یقینی کی کیفیت ہے۔

یہ بھی پڑھیں: صہیونی اپنے سوٹ کیس ہاتھوں میں لیے مقبوضہ علاقوں سے فرار

اس رپورٹ کے مطابق، جو صہیونی انتظامیہ برائے آبادکاری اور مہاجرت کے اعدادوشمار کے مطابق تیار کی گئی ہے، اگر 7 اکتوبر سے پہلے مقبوضہ علاقوں سے نکلنے والے اور 7 اکتوبر تک واپس نہ آنے والے صہیونی مسافروں کی تعداد کو بھی اس میں اضافہ کیا جائے تو مقبوضہ علاقوں سے جانے والوں کی تعداد تقریباً 970 ہزار تک پہنچ جائے گی۔

ٹائم اسرائیل نے بتایا کہ اکتوبر میں تقریباً 302000 جبکہ نومبر میں تقریباً 194000صیہونی مقبوضہ علاقوں میں داخل ہوئے ۔

اب اگر ہم جنگ کے بعد مقبوضہ علاقوں میں داخل ہونے والے صہیونیوں کی تعداد کو ان لوگوں کی تعداد سے گھٹائیں جنہوں نے مقبوضہ علاقے چھوڑے اور ابھی تک واپس نہیں آئے تو یہ بات واضح ہو جاتی ہے کہ نصف ملین صہیونی مقبوضہ فلسطین چھوڑ چکے ہیں اور یہ معکوس ہجرت ہے.

بلاشبہ اس اعدادوشمار میں ہزاروں غیر ملکی کارکنان، پناہ گزینوں اور سفارت کاروں کو شامل نہیں کیا گیا جنہوں نے مقبوضہ فلسطین چھوڑ دیا ہے،اگر ان کو بھی شامل کیا جائے تو مقبوضہ علاقے چھوڑنے والے افراد کی تعداد ان سے زیادہ ہوگی۔

مزید پڑھیں: صہیونیوں نے مقبوضہ فلسطین سے واپسی کا سفر کیوں سوچا؟

اس کے علاوہ ٹائم اسرائیل نے اپنی رپورٹ میں کہا ہے کہ 7 اکتوبر کے بعد مقبوضہ علاقوں کی طرف نقل مکانی کے اعدادوشمار میں بھی 70 فیصد سے زیادہ کی کمی واقع ہوئی ہے۔

یہ اس حقیقت کے باوجود ہے کہ جنگ کے پہلے ہفتوں میں مقبوضہ فلسطین کی طرف ہجرت تقریباً رک گئی تھی۔