مغربی یمن میں تین دھماکے

?️ 11 ستمبر 2021

سچ خبریں:یمنی نیوز ذرائع نے آج صبح جنوب مغربی یمن میں تین دھماکوں کی اطلاع دی۔
المیادین چینل کی رپورٹ کے مطابق آج صبح تین دھماکوں نے بحیرہ احمر (جنوب مغربی یمن) میں واقع المخا بندرگاہ کو ہلا کر رکھ دیا۔کچھ سوشل میڈیا کارکنوں نے یہ بھی کہا کہ دھماکے راکٹ حملوں کی وجہ سے ہوئے،تاہم ابھی تک ھماکوں سے کسی جانی نقصان کی اطلاع نہیں ملی۔

واضح رہے کہ بحیرہ احمر کے ساحل پر واقع المخا بندرگاہ سعودی قابض افواج کے کنٹرول میں ہے، اس بندرگاہ پر دو سال پہلے تک اماراتی افواج کا قبضہ تھا جس کے بعداس ملک نے اپنی افواج کے انخلاء کے بعد بندرگاہ کا کنٹرول سعودی افواج کے حوالے کر دیا گیا۔

یادرہے کہ پچھلے چھ سال سے سعودی عرب نے یمن کے معزول مفرور صدر عبد المنصور ہادی کی واپسی کے بہانے امریکی اورکئی مغربی ممالک کی حمایت سے عرب ممالک کے اتحاد کی شکل میں یمن کے خلاف بڑے پیمانے پر جارحیت کا آغاز کیا جس کے بعد سےیہ جارحیت اب تک ہزاروں یمنیوں کی جان لے چکی ہے اور اقوام متحدہ کے مطابق یہ ملک میں قحط دنیا کی سب سے بڑی انسانی تباہی بن چکا ہے۔

تاہم اس کے باوجود اقوام متحدہ سمیت پوری عالمی برادی صرف تماشائی بنی ہوئی ہے اور انھوں نے جارحین کے خلاف کوئی قابل ذکر اقدام نہیں کیا ہے بلکہ اس کے برعکس یمنی اپنا دفاع کرتے ہیں تو پوری مغربی دنیا میں ایک ہاہا کار مچ جاتی ہے اور انسانی حقوق کی دہائیاں دی جانے لگتی ہیں یہی وجہ ہے کہ یمنی عوام سعودی اتحاد کے ساتھ پوری عالمی برادری کو بھی اپنے اوپر ہونے والی جارحیت میں شریک قرار دیتی ہے۔