مغربی کنارے میں ایک بار پھر صیہونی جارحیت؛مجاہدین کا دندان شکن جواب

?️ 3 اگست 2023

سچ خبریں: فلسطینیوں کے خلاف اپنے جابرانہ اقدامات کے تسلسل میں صیہونی افواج نے مغربی کنارے کے علاقوں پر حملہ کیا۔

مرکزاطلاعات فلسطین کے مطابق صہیونی فوجیوں نے آج صبح مغربی کنارے میں واقع جنین کے مغرب میں واقع برقین قصبے پر حملہ کیا۔

عینی شاہدین نے بتایا کہ اسرائیلی فوجیوں نے اس بستی میں متعدد مکانات پر چھاپے مارے اور تین فلسطینی نوجوانوں کو گرفتار کرکے نامعلوم سمت لے گئے۔

یہ بھی پڑھیں: غزہ اور مغربی کنارے کیا ہونے جا رہا ہے؟

اس کے علاوہ صیہونی افواج نے مغربی کنارے کے جنین کے جنوب میں الزیابدہ قصبے پر حملہ کیا،مقامی ذرائع نے بتایا کہ اس حملے کے دوران جھڑپیں ہوئیں جس میں ایک فلسطینی نوجوان زخمی ہوا۔

ذرائع کے مطابق صہیونی فوجیوں نے قباطیہ اور ام التوت علاقوں پر بھی حملہ کیا۔

درایں اثنا فلسطینی مجاہدین نے مغربی کنارے میں واقع طوباس علاقے کے مشرق میں ایک اسرائیلی ڈرون کو مار گرایا، مقامی ذرائع نے اطلاع دی ہے کہ فلسطینی عسکریت پسندوں نے ایک اسرائیلی ڈرون کو مار گرایا جو صہیونیوں کی طرف سے طوباس کے مشرق میں تیاسر ملٹری کراسنگ سے داخل ہوا تھا۔

مزید پڑھیں: مغربی کنارے کے خلاف صیہونیوں کی تازہ ترین جارحیت

واضح رہے کہ مغربی کنارے میں مزاحمت کا دائرہ وسیع پیمانے پر بڑھ گیا ہے، خاص طور پر اس سال جس کی وجہ فلسطینیوں کے خلاف قابض فوج کے جرائم میں اضافہ ہے۔

فلسطینی ڈیٹا سینٹر معطی نے اپنی ایک رپورٹ میں تاکید کی ہے کہ گزشتہ ماہ مقبوضہ مغربی کنارے اور بیت المقدس میں 1132 مختلف مزاحمتی کاروائیاں کی گئیں۔

یاد رہے کہ ان کارروائیوں میں 97 فائرنگ اور مسلح تصادم شامل تھے جن میں سے 33 آپریشن صرف جینن میں ہوئے،گزشتہ ماہ فلسطینی مزاحمتی کاروائیوں کے نتیجے میں دو صہیونی ہلاک اور 50 زخمی ہوئے۔