سچ خبریں:ماسکو یجن میں روسی تحقیقاتی کمیٹی نے مشہور روسی فلسفی الیگزینڈر ڈوگین کی بیٹی ڈاریا ڈوگین کے قتل کی تحقیقات کے لیے ایک فوجداری مقدمہ کھولا ہے۔
ٹاس خبر رساں ایجنسی کی رپورٹ کے مطابق ماسکو میں روسی تحقیقاتی کمیٹی کے مرکزی دفتر نے اعلان کیا کہ مشہور روسی فلسفی الیگزینڈر ڈوگین کی بیٹی ڈاریا ڈوگین کی اپنے والد کی گاڑی میں دھماکے کے نتیجے میں مارے جانے کے بعد تفتیش کاروں نے اس بہیمانہ قتل سے متعلق فوجداری مقدمہ درج کیا اور اس کیس کی کارروائی فوری طور پر شروع کردی ہیں۔
ابتدائی تحقیقات کے مطابق اور حاصل کردہ اعداد و شمار کو مدنظر رکھتے ہوئے تحقیقاتی کمیٹی کے ماہرین کا خیال ہے کہ ڈاریا ڈوگین کی موت کا سبب بننے والا جرم ایک منظم اور احتیاط سے منصوبہ بند قتل تھا، ابتدائی تحقیقات کے مطابق ماسکو کے نواحی علاقے میں ہفتے کے روز مقامی وقت کے مطابق تقریباً 21:00 بجے ٹویوٹا لینڈ کروزر میں دھماکہ ہوا جس کے بعد اس کار کے ڈرائیور کی شناخت ڈاریا ڈوگین کے نام سے ہوئی ہے جو ایک صحافی اور سیاسی ماہر تھیں۔
ڈاریا ڈوگین 1992 میں پیدا ہوئیں اور ماسکو اسٹیٹ یونیورسٹی کی فیکلٹی آف فلسفہ سے فلسفہ میں پی ایچ ڈی کی ڈگری کی تھی۔
