فلسطین کے جنین شہر پر صیہونی حملہ ؛ متعدد فلسطینی گرفتار

?️ 5 فروری 2022

سچ خبریں:اسرائیلی فوج نے ہفتے کے روز مغربی کنارے کے شہر جنین پر چھاپہ مار کر متعدد فلسطینیوں کو حراست میں لے لیا۔
فلسطین ٹوڈے کی رپورٹ کے مطابق صہیونی عسکریت پسندوں نے ہفتے کے روز مغربی کنارے کے شہر جنین پر حملہ کیا، حملے کے بعد فلسطینیوں اور صیہونیوں کے درمیان شدید لڑائی چھڑ گئی، رپورٹ کے مطابق صیہونی جنگجوؤں نے اس حملے کے بعد متعدد فلسطینی شہریوں کو گرفتار کر لیا۔

یادرہے کہ یہ حملہ ایسے وقت میں کیا گیا ہے جبکہ صیہونیوں نے گزشتہ روز مغربی کنارے کے علاقوں پر حملہ کیا ،واضح رہے کہ حال ہی میں فلسطینی مزاحمتی گروپوں کے مشترکہ چیمبر نے مقبوضہ بیت المقدس اور مغربی کنارے میں صیہونی حکومت کے حالیہ جرائم کی شدید مذمت کی ہے،فلسطینی مزاحمتی گروپوں کے مشترکہ چیمبر نے ایک بیان میں کہا ہے کہ وہ فلسطین میں جاری واقعات کے ساتھ ساتھ اسرائیلی حکام کی طرف سے فلسطینیوں پر نئی شرائط مسلط کرنے کی کوششوں پر بھی نظر رکھے ہوئے ہے۔

بیان میں صیہونی حکومت کو مخاطب کرتے ہوئے کہا گیاکہ فلسطینی عوام کے خلاف صیہونی حکومت کے اس خطرناک حد تک جرائم کا تقاضا ہے کہ ہم اس پر فیصلہ کن رد عمل ظاہر کریں، یہ فطری بات ہے کہ ان جرائم کا تسلسل حالات کو مزید کشیدہ بنا دے گا۔

بیان میں مزید کہا گیاکہ صیہونی حکومت یروشلم اور مغربی کنارے میں فلسطینیوں کے خلاف اپنے جرائم کے نتائج کی ذمہ دار ہے،ہم صیہونیوں کو ان کے ماضی کے جرائم کی ادائیگی کے بجائے اب نئے جرائم کرنے کی اجازت نہیں دیں گے۔