فلسطین کے بارے میں شمالی کوریا کا موقف

?️ 2 نومبر 2023

سچ خبریں: صیہونی حکومت کے جرائم میں اضافے اور اس حکومت کے خلاف مختلف ممالک کے اقدامات کے پیش نظر شمالی کوریا کے رہنما نے فلسطین اور غزہ کے عوام کی جامع مدد کا حکم دیا۔

جنوبی کوریا کی یونہاپ خبر رساں ایجنسی نے اس ملک کی پارلیمانی انٹیلی جنس کمیٹی کے رکن یو سانگ بوم کے حوالے سے بتایا ہے کہ شمالی کوریا کے رہنما کم جونگ اپنے حکام کو حکم دیا ہے کہ وہ فلسطین اور غزہ کے عوام کو جامع امداد فراہم کرنے کے طریقے تلاش کریں۔

یہ بھی پڑھیں: فلسطینی بچوں کے قتل عام پر شمالی کوریا کا رد عمل

یاد رہے کہ شمالی کوریا نے گزشتہ ہفتے اعلان کیا تھا کہ غزہ کی پٹی میں موجودہ انسانی المیے کی ذمہ دار امریکی حکومت ہے نیز اسرائیل اور حماس کے درمیان موجودہ جنگ کے پیچھے واشنگٹن کا ہاتھ ہے۔

شمالی کوریا کی سرکاری خبر رساں ایجنسی جو اس ملک کے سرکاری موقف کی خبر دیتی ہے، نے ایک کالم شائع کیا جس میں لکھا کہ امریکہ مغربی ایشیا کی موجودہ صورتحال کا اصل عامل اور سبب ہے، امریکہ کی جانبدارانہ اور جان بوجھ کر اشتعال انگیزی کی وجہ سے مغربی ایشیا میں قتل و غارت کی عظیم جنگ شدت اختیار کرتی جا رہی ہے۔

پیانگ یانگ نے غزہ میں جنگ بندی کے لیے روس اور برازیل کی قرارداد کو ویٹو کرنے اور انسانی امداد کی فراہمی میں رکاوٹ ڈالنے پر مبنی امریکہ اور یورپی ممالک کے اقدامات پر کڑی تنقید کرتے ہوئے کہا کہ واشنگٹن مغربی ایشیا میں حالات کو مزید بگڑنے سے روکنے کے مواقع ضائع کر رہا ہے جبکہ یورپی یونین آزاد فیصلہ سازی اور اصولوں کے فقدان کی وجہ سے اس صورتحال کی حمایت کرتا ہے۔

اس کے علاوہ بولیویا کی وزارت خارجہ نے منگل کو اعلان کیا کہ اس ملک نے اسرائیل کے ساتھ سفارتی تعلقات منقطع کر لیے ہیں انہوں نے اسرائیلی حکومت پر غزہ کی پٹی پر حملوں میں انسانیت کے خلاف جرائم کا ارتکاب کرنے کا الزام عائد کیا۔

بولیویا نے غزہ کی پٹی پر اسرائیلی حکومت کے حملوں کے خلاف احتجاجاً 2009 میں اسرائیلی حکومت سے سفارتی تعلقات منقطع کر لیے تھے، تاہم 2020 میں صدر جینین اینز کی حکومت نے تل ابیب کے ساتھ تعلقات دوبارہ قائم کر لیے تھے۔

چلی کی حکومت نے بھی اسرائیل سے اپنے سفیر کو واپس بلا لیا اس ملک کے صدر گیبریل بریچ نے منگل کی شام اعلان کیا کہ ان کا ملک اسرائیل سے اپنے سفیر کو واپس بلا لے گا،چلی کی حکومت نے کہا ہے کہ اس نے غزہ میں بین الاقوامی قوانین کی خلاف ورزیوں کے جواب میں مشاورت کے لیے اسرائیل سے اپنے سفیر کو واپس بلا لیا ہے۔

مزید پڑھیں: شمالی کوریا نے غزہ میں ہونے والی اسرائیلی دہشت گردی کے خلاف اہم بیان جاری کردیا

غزہ کی پٹی میں اپنے تازہ ترین جرم میں صیہونی حکومت نے منگل کی شام جبالیا کیمپ کے ایک پرہجوم علاقے پر بمباری کی،غزہ کی وزارت داخلہ نے اعلان کیا کہ ابتدائی اندازوں کے مطابق اس جرم میں 400 سے زائد افراد شہید یا زخمی ہوئے ہیں،اس وحشیانہ جرم میں جبالیا کیمپ میں لوگوں پر ایک ٹن وزنی 6 بم گرائے گئے، اس جرم کا نشانہ بننے والوں میں زیادہ تر خواتین اور بچے ہیں۔