غزہ کا محاصرہ جاری رکھنے کے کسی بھی طرح کےنتائج کی ذمہ دار صہیونی حکومت ہوگی:حماس

?️ 29 اگست 2021

سچ خبریں:فلسطینی اسلامی مزاحمتی تحریک حماس کے ترجمان نے غزہ کی پٹی کا محاصرہ جاری رکھنے کے نتائج کے لیے صہیونی حکومت کو ذمہ دار ٹھہرایا۔
فلسطین الیوم کی رپورٹ کے مطابق حماس کے ترجمان فوزی برہوم نے کہا کہ صہیونی حکومت غزہ کی پٹی کا محاصرہ جاری رکھنے اور خطے میں انسانی بحران کو بڑھانے کے کسی بھی نتائج کی ذمہ دار ہے، رپورٹ کے مطابق حماس کے ترجمان فوزی برہوم نے کہا کہ غزہ کے حوالے سے صیہونی حکومت کی جارحانہ پالیسیاں خطے میں کشیدگی اور جھڑپوں میں اضافے کا باعث بن رہی ہیں۔

برہوم نے کہا کہ فلسطینی عوام کسی بھی حالت میں قابض صہیونی حکومت کی پالیسیوں اور فلسطینیوں کے قومی حقوق کی خلاف ورزی کو قبول نہیں کریں گے اور اپنے حقوق کی بحالی کے لیے جدوجہد جاری رکھیں گے،انہوں نے تمام فریقوں پر زور دیا کہ وہ اپنی ذمہ داریاں پوری کریں اور غزہ کا جابرانہ محاصرہ ختم کرنے کے لیے صیہونی حکومت پر دباؤ ڈالیں۔

برہوم نے زور دے کر کہا کہ اگر غزہ کے لوگ آزاد اور باوقار زندگی حاصل نہیں کرتے تو صہیونی قابضین بھی امن کا رنگ نہیں دیکھیں گے۔