عراقی پولیس پر داعش کا حملہ

🗓️ 12 فروری 2021

سچ خبریں:عراق کے صوبہ کرکوک میں داعشی عناصر کے حملے میں عراقی وفاقی پولیس کے پانچ افراد ہلاک اور زخمی ہوگئے۔
شفق نیوز کی رپورٹ کے مطابق ، ایک عراقی سکیورٹی ذرائع نے اطلاع دی ہے کہ جمعرات کے روز صوبہ کرکوک میں داعش کے عناصر کے حملے کے بعد عراقی فیڈرل پولیس کے پانچ افراد ہلاک اور زخمی ہوگئے، سکیورٹی ذرائع نے شفق نیوز کو بتایا کہ داعش کے ممبروں نے داقوق کے جنوب میں واقع عرب کوئی گاؤں میں وفاقی پولیس فورس پر حملہ کیا ، جس میں پولیس کے 3 اہلکار ہلاک اور دو زخمی ہوگئے۔

یادرہے کہ اگر چہ عراقی حکومت اس ملک سے داعش کے خاتمے کا اعلان کر چکی ہے اور یہاں کوئی ایسی جگہ نہیں ہے جہاں داعش کا پرچم لہرا رہا ہو تاہم اس دہشتگرد تنظیم کے باقی ماندہ عناصر آئے دن عراقی اہم شخصیات یا حساس مقامات پر کاروائیاں کررہتے ہیں جن میں انھیں مغربی ممالک خاص طور پر امریکہ کی مکمل پشت پناہی حاصل ہے جو داعش کا مقابلہ کرنے خطہ میں داخل ہوا تھا تو اب جبکہ داعش کا خاتمہ ہوچکا ہے اور عراقی پارلیمنٹ میں غیر ملکی افواج کے انخلا پر مبنی مسودہ بھی پاس ہو چکا ہے لیکن امریکہ اس ملک سے نکلنے کا نام ہی نہیں لے رہا ہے۔