عراقی عوام فلسطینیوں کی حمایت میں میدان میں

?️ 13 اکتوبر 2023

سچ خبریں: لاکھوں عراقی عوام نے بغداد کے تحریر اسکوائر پر فلسطینی مزاحمت کی حمایت کا اعلان کیا اور قابض حکومت کے جرائم کی مذمت کی۔

آج جمعہ کی صبح (13 اکتوبر) لاکھوں عراقی فلسطین کی حمایت کا اعلان کرنے بغداد کے مرکز میں واقع تحریر اسکوائر پر پہنچے۔

یہ بھی پڑھیں: تمام عراقی فلسطین کی حمایت کرتے ہیں:عراقی وزیر داخلہ

بغداد ٹوڈے اخبار کی ویب سائٹ کی رپورٹ کے مطابق لاکھوں عراقی عوام آج تحریر اسکوائر میں جمع ہوئے اور فلسطینی کاز کی حمایت میں باجماعت نماز ادا کریں گے اور صیہونی حکومت کے جرائم کے خلاف مظاہرہ کریں گے۔

واضح رہے کہ صدر تحریک کے رہنما سید مقدی الصدر نے فلسطینیوں کی حمایت کے لیے بغداد کے مرکز میں واقع تحریر اسکوائر میں وسیع پیمانے پر مظاہرے کی کال دی تھی جس کے بعد اس میں سکیورٹی فورسز ، قبائلی شیوخ، عراقی نوجوان اور یونیورسٹی کے پروفیسرز شریک ہوئے ہیں۔

درایں اثنا حماس سمیت فلسطینی مزاحمتی تنظیموں نے اسلامی اقوام اور عرب ممالک سے کہا ہے کہ وہ آج جمعہ کو سڑکوں پر آکر طوفان الاقصیٰ آپریشن کی حمایت کا اعلان کریں۔

مزید پڑھیں: کویتی عوام کا مسجد الاقصیٰ کی حمایت میں مظاہرہ

یاد رہے کہ طوفان الاقصیٰ کی جنگ ایک ہفتہ قبل صہیونی بستیوں کے خلاف اسلامی مزاحمتی تحریک حماس کی طرف سے ایک حیرت انگیز میزائل حملے سے شروع ہوئی تھی اور اب تک حیفا اور تل ابیب پر مزاحمتی حملوں کی پیش قدمی کے ساتھ جاری ہے۔