طالبان کا افغان قومی پرچم کو بدلنے کا حکم

?️ 20 مارچ 2022

سچ خبریں:طالبان نے قومی ٹیلی ویژن کے لوگو اور عوامی مقامات سے افغان ترنگا جھنڈا ہٹانے کا حکم دیا ہے۔
افغان میڈیا کی جانب سے جاری کیے گئے طالبان کے نئے حکم نامے کے مطابق اس ملک میں طویل عرصے سے قومی علامت کے طور پر استعمال کیے جانے والے افغان ترنگے جھنڈے کے استعمال پر پابندی عائد کر دی گئی ہے۔ طالبان کے مطابق افغانستان کے اندر اور باہر تمام سرکاری دفاتر پر امارت اسلامیہ کے سفید جھنڈے لہرائے جائیں۔

واضح رہے کہ اس حکم کے چند گھنٹے بعد، افغان قومی ٹیلی ویژن کے تمام لوگو سے افغان ترنگا جھنڈا ہٹا دیا گیا اور اس کی جگہ سفید مونوکروم لگا دیا گیا،اس کے علاوہ اب میں طالبان کا کوئی بھی اہلکار پچھلی حکومت کے جھنڈے کے ساتھ نظر نہیں آئے گا اور افغانستان کا ترنگا جھنڈا میڈیا اور عوامی تنصیبات سے ہٹا دیا جائے گا۔

طالبان نے کہا ہے کہ ٹی وی پروگراموں کے پس منظر میں میوزک کے بجائے میوزک کے بغیر ترانے استعمال کیے جائیں اور پروگرام پیش کرنے والوں کو مغربی لباس کے بجائے افغانی لباس پہننا چاہیے، یاد رہے کہ طالبان نے پہلے کابل یونیورسٹی کے طلباء سے افغان لباس پہننے کا مطالبہ کیا تھا۔

درایں اثنا کچھ سوشل میڈیا صارفین نے قومی ٹیلی ویژن کے لوگو کی تبدیلی اور افغان ترنگا جھنڈے کو ہٹانے کو قومی اقدار کی توہین قرار دیا ہے اور کہا ہے کہ طالبان کو اپنی پارٹی کی اقدار کو عوام پر مسلط نہیں کرنا چاہیے۔